واشنگٹن : سینیٹر جان مک کین کی آخری رسومات کے افسردہ ماحول میں سابق صدر جارج بش اور مشعل اوباما ایک دوسرے کو ٹافیاں دینے کی وجہ سے انٹرنیٹ صارفین کی توجہ کا مرکز بنے ہوئے ہیں۔
تفصیلات کے مطابق امریکا کے سابق سینیٹر جان مک کین کی آخری رسومات امریکا کے دارالحکومت واشنگٹن میں ادا کی گئیں، جس میں امریکا کے دو سابق صدور جارج ڈبلیو بش اور باراک اوباما نے اپنی اپنی اہلیہ کے ہمراہ شرکت کی تھی۔
جان مک کین کے آخری رسومات کے افسردہ ماحول میں اس وقت ایک عجیب منظر دیکھنے میں آیا، جب جارج ڈبلیو بش نے اپنی اہلیہ لورا بش کی جانب سے دی جانے والی ٹافیاں مشعل اوباما کو تھمائیں۔
اس منظر کو کیمروں کی آنکھ نے محفوظ کرلیا، جس کے بعد مذکورہ شخصیات سوشل میڈیا صارفین کی توجہ کا مرکز بنے ہوئے ہیں۔
سوشل میڈیا صارفین کی جانب سے جارج بش اور مشعل اوبامہ کی ویڈیو پر دلچسپ تبصرے کیے جارہے ہیں۔
امریکی خبر رساں ادارے ’بارسٹول نیوز نیٹ ورک‘ نے ٹویٹ کیا کہ سابق امریکی صدر جارج ڈبلیو بش ’کینڈی مین‘ ہیں۔
GEORGE BUSH IS THE CANDY MAN pic.twitter.com/5x0eevQdfL
— Barstool News Network (@BarstoolNewsN) September 2, 2018
ٹویٹر استعمال کرنے والے ایک صارف نے لکھا کہ ’وہ دوست جس نے سب کے لیے ویڈیو میں مٹھاس بھر دی، جس کے باعث جارج بش اور مشعل اوباما کی اچھی دوستی کی مزید تصدیق ہوگئی‘۔
That friend that snuck enough candy into the movies for everyone. More confirmation of George Bush and Michelle Obama’s sweet friendship. pic.twitter.com/c0KCi7os4L
— UrbanNoizeRmx (@UrbanNoize2) September 1, 2018
ایک ٹویٹر صارف نے تبصرہ کیا کہ ’لورا بش، صدر بش اور مشعل اوباما کا ایک دوسرے کو ٹافیاں دینا سنہ 2018 کی سب سے بڑی سرخی ہے، کتنا خوبصورت لمحہ تھا ان لوگوں کے لیے جن کے آئیڈیل مختلف ہیں مگر وہ پھر بھی دوست ہیں‘ آخر میں تحریر کیا کہ ’لورا بش آپ کا شکریہ کہ آپ تیاری کے ساتھ آئیں‘۔
The candy exchange between Laura Bush, George Bush and Michelle Obama is the highlight of 2018. What a perfect little moment between people who have different ideals but still are friends. And thanks Laura for coming prepared!!
— Dustin Radka (@DustinRadka) September 1, 2018
ایک اور سوشل میڈیا صارف نے کہا کہ ’مجھے بش اور مشعل اوباما کی دوستی بہت اچھی لگتی ہے، چاہے وہ ایک دوسرے کو ٹافیاں دینا ہوں، دیکھ کر بہت خوشی ہوئی‘۔
I love George Bush and Michelle Obama’s friendship. Whether it’s friendly ribbing each other or sharing candy. It’s really nice to see. pic.twitter.com/BuWwkS9OTi
— H3 (@henryheistand) September 1, 2018
خیال رہے کہ سینیٹر جان مک کین دماغ میں رسولی کے باعث ایک ہفتہ قبل 81 برس کی عمر میں انتقال کرگئے تھے۔
