راولپنڈی : آرمی چیف جنرل عاصم منیر سے ملاقات میں جرمن فوج کے سربراہ نے خطے میں امن کے لیے پاکستان کی کوششوں کو سراہا۔
تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ آرمی چیف جنرل عاصم منیر سے جرمن فوج کےسربراہ لیفٹیننٹ جنرل الفوناس نے ملاقات کی۔
آئی ایس پی آر کا کہنا تھا کہ ملاقات میں باہمی دلچسپی کےامور، علاقائی سلامتی کی صورتحال سمیت دفاعی تعاون پر تبادلہ خیال کیا گیا۔
ملاقات میں تمام شعبوں میں دو طرفہ تعلقات کو مزید فروغ دینے کی خواہش کااعادہ کیا گیا۔
ترجمان کے مطابق معزز مہمان نے دہشت گردی کے خلاف پاک فوج کی کامیابیوں اور خطےمیں امن واستحکام کےلیےپاکستان کی مسلسل کوششوں کو سراہا۔
لئیق الرحمن دفاعی اور عسکری امور سے متعلق خبروں کے لئے اے آروائی نیوز کے نمائندہ خصوصی ہیں