The news is by your side.

Advertisement

جرمن چانسلر کا عالمی ادارہ صحت کی حمایت کا اعلان

برلن : جرمن چانسلر انجیلا مرکل نے امریکا کی جانب سے ڈبلیو ایچ او کی فنڈنگ روکنے کے بعد عالمی ادارہ صحت کی مکمل حمایت کا اعلان کردیا۔

تفصیلات کے مطابق نئے اور مہلک ترین کرونا وائرس کی وبا دنیا بھر میں پھیلنے کے بعد امریکی صدر نے عالمی ورلڈ ہیلتھ آرگنائزیشن پر بروقت اقدامات نہ کرنے کے الزامات لگائے تھے اور ڈبلیو ایچ او کی فنڈنگ روکنے کا اعلان کیا تھا۔

امریکی صدر ڈونلڈ ٹرمپ کی جانب سے ڈبلیو ایچ او کی فنڈنگ روکی جانے پر جی سیون رہنماؤں کی جانب سے نکتہ چینی کی گئی، جی سیون ممالک کے اجلاس میں رہنماؤں نےاجلاس میں کوروناسےنمٹنےکیلئےکثیرالجہتی کوششوں کی پرزوردیا۔

جرمن چانسلر انجیلا مرکل نے امریکا کے فنڈنگ روکنے کے بعد عالمی ادارہ صحت کی مکمل حمایت کا اعلان کرتے ہوئے کہا کہ کرونا کو مربوط بین الاقوامی ردعمل سے ہی شکست دی جاسکتی ہے۔

اس موقع پر جرمن وزیر خارجہ کا کہنا تھا کہ کرونا کے خلاف لڑائی میں عالمی ادارہ صحت ریڑھ کی ہڈی کی مانند ہے۔

خیال رہے کہ امریکی صدر نے عالمی ادارہ صحت کو تنقید کا نشانہ بناتے ہوئے کہا تھا کہ ورلڈ ہیلتھ آرگنائزیشن کا امریکا کے ساتھ سلوک برا رہا ہے، ایسے سلوک پر محسوس ہوتا ہے کہ ڈبلیو ایچ او کو چین کنٹرول کررہا ہے۔

انہوں نے دعویٰ کیا تھا کہ ورلڈ ہیلتھ آرگنائزیشن کو کرونا وائرس سے متعلق سے آگاہی تھی لیکن شدت کا علم نہیں تھا۔

امریکی صدر ڈونلڈ ٹرمہ نے عالمی ادارہ صحت کو سالانہ فراہم کیا جانے والا 500 ملین ڈالرز کا فنڈ رکواتے ہوئے کہا تھا کہ عالمی ادارہ صحت نے کرونا وائرس کے معاملے پر تاخیر سے کام لیا، جس پر اس کا احتساب ہونا ضروری ہے۔

fb-share-icon0
Tweet 20

Comments

comments

یہ بھی پڑھیں