The news is by your side.

جرمن قونصل کا اقبال ڈے کے موقع پر پاکستانی کرکٹ ٹیم کے لیے نیک تمناؤں کا اظہار

کراچی: جرمن قونصل جنرل ڈاکٹر روڈیگر لوٹز  نے شاعر مشرق ڈاکٹر علامہ اقبال کو ان کی پیدائش کے دن پر خراج عقیدت پیش کی ہے۔

جرمن قونصل جنرل روڈیکر نے علامہ اقبال کے یوم پیداش کے موقع پر ویڈیو پیغام جاری کیا ہے، جس میں انہوں نے کہا کہ ڈاکٹر علامہ اقبال کی
شخصیت سے میں بہت متاثر ہوں، علامہ اقبال کے پی ایچ ڈی کے مقالے کی کاپی جرمنی کی یونیورسٹی میں جمع ہے۔

جرمن  قونصل کا کہنا تھا کہ بہت سارے پاکستانی طلبہ علامہ اقبال کی پیروی کرتے ہوئے اعلی تعلیم کے لئے جرمنی آتے ہیں، جرمنی میں پاکستانی طالب علم علامہ اقبال کے مقالے  سے فیض یاب بھی ہو رہے ہیں۔

قونصل جنرل ڈاکٹر روڈیگر لوٹز کا مزید کہنا تھا کہ اقبال ڈے کے موقع پر پاکستانی کرکٹ ٹیم کے لیے نیک تمناوں کا اظہار کرتا ہوں۔

Comments

یہ بھی پڑھیں