کراچی: قومی ایئرلائن نے اقربہ پروری کے ساتھ ساتھ قوانین کی دھجیاں اڑادیں ادارے میں کئی ماہ سے تعینات غیرملکی چیف آپریٹنگ آفیسر کے بارے میں انکشاف ہوا ہے کہ وہ مطلوبہ تعلیمی قابلیت نہیں رکھتے بلکہ ان کے پاس کوئی تعلیمی ڈگری ہی نہیں ہے۔
چیف آپریٹنگ آفیسر یعنی سی او او کیلئے پی آئی اے نے اشتہار دیا کہ امیدوار کی تعلیمی قابلیت بزنس کے مضامین میں ماسٹرز اور ترجیحا ایروناٹیکل انجینئرنگ انجینئر ہو۔
پی آئی اے کے جرمن سی ای او برنڈ ہلڈن برینڈ کے پاس سرے سے کوئی باقاعدہ تعلیمی سند ہی نہیں ہے ، سی وی میں صرف جزوقتی کورسز اور اپرنٹس شپ کا ذکر ہے ، برطانیہ کی کریں فیلڈ یونیورسٹی سے جنرل منجمنٹ پروگرام کیا، یہ دو ہفتے کا کورس ہے ،جیسے اعلی تعلیم کے طور پر پیش کیا گیا ہے۔
اشتہار میں مارکیٹنگ ، فنانس اور فلیٹ پلاننگ میں 15 سے 20 سالہ تجربہ مانگاگیا ، برنڈ ہلڈن کے پاس صرف بیرون ملک ایرپورٹ ٹرمینل بلڈنگ اورایرپورٹ سرویسز کا تجربہ ہے ،وہ جرمن ایرلائن لفتھانسا کی اعلی انتظامیہ کا حصہ نہیں رہے۔۔ایوی ایشن ذرائع کے مطابق اشتہار میں درج معیار پر پورا نہ اترنے پر برنڈ ہلڈن کو شارٹ لسٹ ہونا ہی نہیں چاہیے تھا، جبکہ وہ پی آئی اے کے سی او او منتخب بھی کرلئے گئے۔
پی آئی اے کے ترجمان سے سی او او برنڈ ہلڈن کی تعلیمی قابیلت کے بارے میں سوال کیا تو جواب ملا کہ انہیں فنی قابلیت اورایوی ایشن انڈسٹری میں وسیع تجربہ کی بنیاد پر منتخب کیا گیا،ترجمان نے تعلیمی قابیلت سے متعلق سوال گول کردیا۔
سوال یہ بھی ہے کہ ایوی ایشن ڈویڑن کی نوکر شاہی کیا کررہی تھی ، اس بارے میں ایوی ایشن ڈویڑن کے ایک اعلی عہدار نے یہ حیرت انگیز انکشاف کیا کہ جرمن شہری برینڈ ہلڈن کی تعلیمی اسناد کی جانچ تو کی ہی نہیں گئی ،اوپر سے دباو تھا تو صرف سیکورٹی کلئیرنس کے لئے انٹلی جنس بیورو اورآئی ایس آئی کو لکھا گیا ، صرف آئی بی سے کلئیرنس آئی تو نوکر شاہی نے سبجیکٹ ٹو سیکورٹی کلئیرنس لکھ کر جان چھڑائی، بات یہیں ختم نہیں ہوئی۔
برنڈ ہلڈن کی عمر ساٹھ سال سے زیادہ ہونے کی وجہ سے منظوری کیلئے فائل وزیراعظم کے پاس تک گئی اور دباو ڈالنے والوں نے وہاں سے بھی منظوری حاصل کرلی۔
جرمن شہری برنڈ ہلڈن لاکھوں روپے ماہانہ تنخواہ پر کئی ماہ سے پی آئی اے کا چیف آپریٹنگ آفسر تعینات ہے،جرمن شہری کی تاحال سیکیورٹی اداروں نے کلیئرنس بھی نہیں دی ہے جو کہ قوانین کی سنگین خلاف ورزی ہے بغیر سیکیورٹی کلیئرنس کے ایک غیر ملکی شہری اہم وعہدے پر تعینات ہیں۔
جرمن شہری پی آئی اے میں بحیثیت سی او اوبھای تنخواہ کے علاوہ بیرون ملک دوروں کیلئے فری ٹکٹ کے ساتھ تمام مراعات بھی حاصل کر رہے ہیں واضح رہے کہ قومی ایئرلائن اربوں روپے مالی خسارے سے دوچار ہے۔
