The news is by your side.

عمران خان پر حملہ، جرمنی کا آج پاکستان میں ویزہ سیکشن بند رکھنے کا اعلان

اسلام آباد : جرمنی نے سابق وزیراعظم عمران خان پر حملے کے بعد آج پاکستان میں جرمن سفارتخانے کا ویزہ سیکشن بند رکھنے کا اعلان کردیا۔

تفصیلات کے مطابق سابق وزیر اعظم عمران خان پر حملے کے معاملے پر جرمنی نے آج پاکستان میں ویزہ سیکشن بند رکھنے کا فیصلہ کرلیا۔

تفصیلات کے مطابق پاکستان میں جرمن سفیر نے سماجی رابطے کی ویب سائٹ ٹوئٹر پر آگاہ کیا کہ پاکستان کے موجودہ حالات کے پیش آج جرمن سفارتخانے میں ویزا سیکشن بند رہے گا۔

اس سے قبل سفیر نے اپنے ٹوئٹر ہینڈل سے عمران خان پر حملے کی مذمت بھی کی۔

واضح رہے کہ پاکستان تحریک انصاف کے چیئرمین اور سابق وزیراعظم عمران خان حقیقی آزادی مارچ کی قیادت کرتے ہوئے وزیر آباد پہنچے تھا جہاں ان پر قاتلانہ حملہ کیا گیا، جس کے نتیجے میں عمران خان سمیت 13 افراد زخمی جب کہ ایک کارکن جاں بحق ہوگیا تھا۔

Comments

یہ بھی پڑھیں