The news is by your side.

جنگ زدہ یوکرین میں ہنستے ہوئے تصویر بنوانا جرمن وزیر کو مہنگا پڑگیا

جرمنی کی وزیر داخلہ نینسی فیزر کی جنگ زدہ یوکرین میں ہنستے ہوئے تصویر سوشل میڈیا پر وائرل ہونے کے بعد انہیں شدید تنقید کا نشانہ بنایا جا رہا ہے۔

غیر ملکی میڈیا کے مطابق ٹوئٹر پر مینا نامی صارف نے ایک تصویر پوسٹ کی جس میں وزیر داخلہ نینسی فیزر اور وزیر برائے مزدور ہیوبرٹس ہیل یوکرین کے دارالحکومت کے میئر سے ملاقات کر رہے ہیں۔

تصویر میں موجود افراد کے ہاتھوں میں شراب کے گلاس دیکھے جا سکتے ہیں۔ مذکورہ ٹوئٹر صارف نے سوال اٹھایا کہ اس جنگ زدہ علاقے میں آپ لوگ کیا پی رہے ہیں؟ کیا یہ یوکرین کے ساتھ یکجہتی ہے؟

ایک نیوز چینل کے پروگرام میں شرکت کے دوران جب نینسی فیزر سے اس تصور سے متعلق پوچھا گیا تو انہوں نے کہا: ’مجھے اس طرح کی تصور بنوانے پر افسوس ہے، یہ یقینی طور پر نامناسب تھا‘۔

Comments

یہ بھی پڑھیں