فرینکفرٹ: جرمنی میں ایک نقاب پوش نے سنیما میں فائرنگ کرکے تقریباً 20 سے 50 افراد کو زخمی کردیا، سیکیورٹی فورسز کی فائرنگ سے حملہ آور مارا گیا، کئی زخمیوں کی حالت تشویش ناک ہونے کے سبب ہلاکتوں میں اضافہ کا خدشہ ہے۔
جرمن میڈیا کے مطابق واقعہ فرینکفرٹ شہر کے نزدیک ویرن ہیم نامی علاقے میں پیش آیا جس میں ہلاکتوں کا بھی خدشہ ہے تاہم حتمی صورتحال جلد واضح ہوگی۔امدادی اداروں کی جانب سے زخمیوں کو اسپتال منتقل کردیا گیا۔
جرمن وزیر داخلہ نے کہا ہے کہ فائرنگ کرنے والے شخص کو سیکیورٹی فورسز نے ہلاک کردیا ہے، زخمیوں کی درست تعداد کا اندازہ ابھی نہیں لگایا جاسکا۔
جرمن میڈیا کے مطابق متعدد زخمیوں کی حالت تشویش ناک ہے جس کے سبب ہلاکتوں کا خدشہ ہے۔
واضح رہے کہ کچھ روزسے مغرب میں پے درپے واقعات پیش آرہے ہیں، چند روز قبل امریکی ریاست اورلینڈو میں ایک شخص کی فائرنگ سے 50 افراد ہلاک اور 53 زخمی ہوگئے تھے اسی طرح برطانیہ میں ایک شخص کی فائرنگ سے رکن پارلیمنٹ جو کوکس ہلاک ہوگئی تھیں اور اب یہ واقعہ پیش آیا۔
