برلن : پولیس نے افغان نژاد جرمن شہری کو ایران کے لیے جاسوسی کے الزام میں گرفتار کرلیا، گرفتار شخص جرمن فوج میں بحیثیت مشیر تعینات تھا۔
تفصیلات کے مطابق جرمن پولیس نے مغربی جرمنی میں کارروائی کرتے ہوئے ایران کے لیے جاسوسی کرنے کے الزام میں عبدالحمید نامی افغان نژاد جرمن شہری کو گرفتار کیا ہے۔
پراسیکیوٹر کا کہنا ہے کہ افغان شخص جرمن فوج میں بحیثیت ماہر لسانیات اور مشیر برائے ثقافتی امور ذمہ داری انجام دے رہا تھا، پولیس کا خیال ہے کہ مذکورہ شخص ایران کو خفیہ معلومات فراہم کررہا ہے۔
مقامی خبر رساں ادارے کا کہنا ہے کہ پولیس کو مشتبہ ملزم پر شک ہے کہ وہ گزشتہ کئی سالوں سے ایرانی خیفہ ایجنسی کےلیے جاسوسی کررہا ہے۔
عبد الحمید نامی افغان نژاد جرمن شہری فوج میں اہم عہدے پر تعیناتی کے باعث افغانستان میں جرمن فوجیوں کی تعیناتی سے متعلق کئی حساس معلومات تک رسائی تھی۔
خیال رہے کہ یورپی یونین کی جانب سے ایران پر جاسوسی کے الزامات عائد کیے جانے بعد پابندیاں لگا دیں تھیں۔
رواں ماہ یورپی یونین نے ایک ایرانی خفیہ ایجنسی اور دو شہریوں کو دہشت گردوں کی فہرست میں شامل کرکے یورپ میں موجود اثاثے بھی منجمد کردئیے ہیں۔
دوسری ایرانی حکام نے جاسوسی کے الزامات کا جواب دیتے ہوئے کہا ہے کہ مذکورہ الزامات من گھرٹ ہیں جو یورپی یونین اور ایران کے تعلقات کو خراب کرسکتے ہیں۔
مزید پڑھیں : ایران کے لیے جاسوسی کا الزام، سابق اسرائیلی وزیر کے خلاف قانونی کارروائی کا آغاز
مزید پڑھیں : ایران کیلئے جاسوسی کا الزام، سعودی عرب میں 15افراد کو سزائے موت سنا دی گئی
غیر ملکی خبر رساں ادارے کے مطابق یورپی ممالک کا الزام ہے کہ ایران یورپی ممالک میں مقیم حکومت سے اختلاف کرنے والے اپنے ہی شہریوں پر حملوں کی منصوبہ بندی کرتا رہا ہے، تاہم تہران نے ان الزامات کی تردید کی ہے۔
یاد رہے کہ گذشتہ برس اکتوبر میں جرمنی کی عدالت نے ایرانی سفارت کار کو مبینہ طور پر پیرس حملوں کی منصوبہ بندی میں ملوث ہونے پر ملک بدر کرنے کی حمایت کی تھی۔
