جرمنی کا ٹرمپ کے خلاف مقدمہ کرنے کا عندیہ -
The news is by your side.

Advertisement

جرمنی کا ٹرمپ کے خلاف مقدمہ کرنے کا عندیہ

برلن: امریکا کے جارح مزاج صدر ڈونلڈ ٹرمپ کو آج کل ہر روز ہی توہین کا سامنا کرنا پڑ رہا ہے۔ کل عدالت نے ان کی جانب سے عائد سفری پابندیوں کو معطل کردیا تو آج جرمنی نے ان کے خلاف عالمی تنظیم برائے تجارت (ڈبلیو ٹی او) میں مقدمہ کرنے کا عندیہ دے دیا۔

جرمنی نے امریکی صدر ڈونلڈ ٹرمپ کو منہ توڑ جواب دینے کا فیصلہ کرلیا۔ جرمن وزیر برائے اقتصادی امور کا کہنا ہے کہ اگر ٹرمپ انتظامیہ کی جانب سے نئے ٹیکس لگائے گئے یا جرمن برآمدات پر ٹیکسوں میں اضافہ کیا گیا تو عالمی تجارتی تنظیم کے ذریعے ان پر مقدمہ کر دیا جائے گا۔

مزید پڑھیں: ڈونلڈ ٹرمپ کا سفری پابندی سے متعلق نیا حکم نامہ معطل

جرمن وزیر کا کہناتھا کہ ٹرمپ کے اقدامات عالمی کاروباری قوانین کے خلاف ہیں۔

یاد رہے کہ ٹرمپ نے جرمنی کو دھمکی دی تھی کہ اگر جرمن کار ساز کمپنیوں نے میکسیکو میں نیا پلانٹ لگایا تو جرمن گاڑیوں پر 35 فیصد ٹیکس عائد کیا جائے گا۔

یہ اعلان ٹرمپ نے میکسیکو سے اپنی شدید نفرت کے باعث کیا تھا۔ وہ اس سے قبل بھی امریکا اور میکسیکو کی سرحد پر دیوار تعمیر کروانے کا اعلان کر چکے ہیں۔

Comments

comments

یہ بھی پڑھیں