لاہور: پاکستان میں تعینات جرمن سفیر نے نیشنل کرکٹ اکیڈمی کا دورہ کیا، جہاں انھوں نے پاکستان ویمن کرکٹ ٹیم سے ملاقات کی.
تفصیلات کے مطابق جرمن سفیر مارٹن کابلز آج سہ پہر کر کٹ اکیڈمی پہنچے، جہاں پی سی بی کے سی ای او سبحان احمد نے ان کا استقبال کیا۔ اس موقع پر جرمن سفیر نے اکیڈمی کا دورہ کیا اور کرکٹرز اور آفیشلز سے ملاقات کی.
مارٹن کابلز نے اس موقع پر گرین شرٹ پہن کر کرکٹ کھیلی. انھوں نے خواتین کرکٹرز اور دیگر افیشلز کے ساتھ سیلفی بھی بنائی.
آرمی چیف سے جرمن سفیر کی ملاقات، سیکیورٹی صورتحال پر تبادلہ خیال
جرمن سفیر نے خواتین کرکٹ ٹیم کو سراہتے ہوئے کہا کہ خواتین کا زندگی کے مختلف شعبوں میں آگے آنا اور خود کو منوانا ملکی ترقی کے لئے ناگزیر ہے.
اس موقع پر قومی کرکٹ ٹیم کی کپتان بسمہ معروف نے کہا کہ سینئرز کی ریٹائرمینٹ سے ٹیم کمزور ہوئی، لیکن آئی سی سی چیمپیئن شپ اور ورلڈ کپ میں کوالیفائی کرنے کے لئے بھرپور کوشش کریں گے، امید ہے ہماری کوششیں رنگ لائیں گی.
جلال الدین خواتین کرکٹ ٹیم کے نئے چیف سلیکٹر منتخب
پی سی بی کے سی ای او سبحان احمد نے اس موقع پر کہا کہ کرکٹ بورڈ خواتین کو کھیلوں میں آگے لانے کے لئے اپنا کردار ادا کرتا رہے گا.
واضح رہے کہ پاکستان ویمن ٹیم کی بہتری کے لیے گذشتہ دنوں چند اہم فیصلے کیے گئے تھے، جن کے تحت جلال الدین کو خواتین کرکٹ ٹیم کا نیا چیف سلیکٹر جبکہ مارک کولیس کو نیا کوچ مقرر کیا گیا ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
