جرمنی میں ملازمت کے خواہشمند پاکستانیوں کے لیے بڑی خوشخبری آگئی، اب پاکستانی شہری بغیر کسی پہلے سے جاب آفر کے جرمنی جا کر ایک سال تک کام تلاش کر سکتے ہیں۔
تفصیلات کے مطابق جرمنی نے پاکستان کے ہنر مند افراد کے لیے ایک نیا موقع فراہم کیا، جسے "Opportunity Card” کہا جاتا ہے۔
اس اسکیم کے تحت پاکستانی شہری بغیر کسی پہلے سے جاب آفر کے جرمنی جا کر ایک سال تک کام تلاش کر سکتے ہیں یا خود ملازمت کر سکتے ہیں۔
Opportunity Card کے حامل افراد کو ایک سال کے لیے جرمنی میں رہنے اور فل ٹائم یا پارٹ ٹائم ملازمت کرنے کی اجازت ہوگی۔
اس دوران ہفتے میں 20 گھنٹے تک ضمنی کام بھی کیا جا سکتا ہے۔
امیدوار دو ہفتے تک ممکنہ آجر کے ساتھ جاب ٹرائل میں حصہ لے سکتے ہیں۔
آن لائن درخواست دینے کا طریقہ
درخواست آن لائن جرمنی کے فیڈرل فارن آفس کے پورٹل سے دی جا سکتی ہے۔
درخواست دہندگان کو کم از کم 6 پوائنٹس حاصل کرنے ہوں گے، جو تعلیمی قابلیت، ہنر، تجربے، زبان، عمر اور جرمنی میں سابقہ قیام پر دیے جاتے ہیں۔
مالی ضروریات کے تحت درخواست دہندگان کو کم از کم €1,091 ماہانہ کے ساتھ جرمنی میں قیام کے دوران اخراجات برداشت کرنے کی اہلیت ثابت کرنی ہوگی۔
یہ اقدام جرمنی کی عالمی ہنر مند پیشہ ور افراد کو راغب کرنے کی پالیسی کا حصہ ہے اور پاکستان کے ہنر مند افراد کے لیے روزگار کے نئے مواقع کھولتا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں