The news is by your side.

Advertisement

متحدہ عرب امارات، رمضان المبارک میں اشیاء پر 50 فیصد رعایت دی جائے گی

دبئی: متحدہ عرب امارات میں رمضان المبارک کے دوران مختلف اشیاء پر 50 فیصد رعایت دی جائے گی۔

تفصیلات کے مطابق متحدہ عرب امارات کی وزارت مالیات نے اعلان کیا ہے کہ رمضان المبارک کے دوران سپر مارکیٹس میں 10 ہزار اشیاء آدھی قیمت میں دستیاب ہوں گی۔

کنزیومر پروٹیکشن کے ڈائریکٹر ڈاکٹر ہاشم ال نوایمی کا کہنا ہے کہ یو اے ای میں موجود 600 آؤٹ لیٹس پر مختلف اشیاء پر 25 سے 50 فیصد تک رعایت دی جائے گی جبکہ کچھ اشیاء منافع لیے بغیر اسی قیمت پر فروخت کی جائیں گی۔

عرب میڈیا کے مطابق اشیاء پر رعایت دینے سے قبل وزارت مالیات اور تاجروں کے درمیان اجلاس کا انعقاد کیا گیا جس میں اتفاق کیا گیا کہ رمضان المبارک میں شہریوں کو ریلیف دیا جائے گا۔

واضح رہے کہ متحدہ عرب امارات میں گزشتہ چند سالوں سے رمضان المبارک کے دوران کھلی ٹوکری مہم بھی چلائی جاتی ہے، پہلے پیکیج میں 20 اشیاء 100 درہم سے کم قیمت پر دستیاب ہوتی ہیں، دوسرے پیکیج میں اشیاء 200 درہم سے کم قیمت پر دی جاتی ہیں۔

ڈائریکتر کنزیومر پروٹیکشن کا کہنا ہے کہ شہری اس حوالے سے کسی بھی قسم کی شکایت 600-522-225 پر کرسکتے ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں