The news is by your side.

Advertisement

یو اے ای کا رہائشی ویزا 30 منٹ میں حاصل کریں، شیخ حمدان نے نئے منصوبے کا افتتاح کردیا

دبئی: دبئی کے ولی عہد شیخ حمدان بن راشد المکتوم نے نئے منصوبے کا افتتاح کردیا جس کے تحت یو اے ای کا رہائشی ویزا 30 منٹ میں حاصل کیا جاسکے گا۔

غیرملکی خبررساں ادارے کی رپورٹ کے مطابق دبئی کے ولی عہد شیخ حمدان بن راشد المکتوم نے دنیا میں اپنی نوعیت کا پہلا منصوبے کا افتتاح کردیا جس کے تحت یو اے ای کا رہائشی ویزا اور میڈیکل ٹیسٹ رپورٹ 30 منٹ میں حاصل کی جاسکے گی۔

رپورٹ کے مطابق اس سے قبل رہائشیوں کو اپنا میڈیکل ٹیسٹ اور رہائشی ویزے کے لیے 28 گھنٹوں کا انتظار کرنا پڑتا تھا۔

شیخ حمدان کا اپنے ٹویٹ میں کہنا تھا کہ ’یہ مرکز دنیا میں اپنی نوعیت کا پہلا ادارہ ہے۔‘

ادارے کو سالم انٹیلی جنس سینٹر کا نام دیا گیا ہے، مرکز رجسٹریشن سے لے کر رہائشی ویزا جاری کرنے تک طبی معائنے کے عمل کے وقت کو نمایاں طور پر کم کرے گا۔

سالم انٹیلی جنس سینٹر میں چوتھی صنعتی انقلاب ٹیکنالوجیز استعمال کی گئی ہیں، جن میں مصنوعی ذہانت، روبوٹکس اور انٹرنیٹ سمیت دیگر چیزیں شامل ہیں، رہائشیوں کو دبئی حکومت کی خدمات کی توقع کے مطابق غیرمعمولی خدمات فراہم کی جاسکیں گی۔

اسمارٹ سلیم پروجیکٹ جو دبئی ہیلتھ اتھارٹی، جنرل ڈائریکٹوریٹ آف ریزیڈنسی اور امور خارجہ نے مشترکہ طور پر شروع کیا ہے اس کا مقصد صارفین کی پریشانیوں کو کم کرنا ہے۔

fb-share-icon0
Tweet 20

Comments

comments

یہ بھی پڑھیں