The news is by your side.

Advertisement

ڈپٹی چیئرمین سینیٹ، عبدالغفور حیدری مدد مانگنے ایم کیو ایم کے پاس پہنچ گئے

کراچی: جے یو آئی (ف) کے رہنما عبدالغفور حیدری نے ڈپٹی چیئرمین سینیٹ کے ووٹ کے لیے ایم کیو ایم سے حمایت مانگ لی۔

اے آر وائی نیوز کی رپورٹ کے مطابق جے یو آئی (ف) کے رہنما عبدالغفور حیدری نے ایم کیو ایم کے رہنما ڈاکٹر خالد مقبول صدیقی سے ملاقات کی اس موقع پر مولانا عطا الرحمان اور وفاقی وزیر امین الحق بھی موجود تھے۔

عبدالغفور حیدری نے ایم کیو ایم سے ڈپٹی چیئرمین سینیٹ کے لیے حمایت کی درخواست کی۔

ذرائع کے مطابق خالد مقبول صدیقی نے کہا کہ سیاسی جماعت ہیں، جمہوری اقدار پر یقین رکھتے ہیں، ہمارے دروازے سب کے لیے کھلے ہیں۔

خالد مقبول صدیقی کا کہنا تھا کہ حکومت کے اہم اتحادی ہیں، پیپلزپارٹی رہنما بھی ہمارے پاس آئے تھے، آپ کی درخواست رابطہ کمیٹی کے اجلاس میں رکھیں گے۔

مزید پڑھیں: ڈپٹی چیئرمین سینیٹ کے لیے پی ٹی آئی امیدوار کون؟ اتحادیوں کا اہم فیصلہ

واضح رہے کہ اس سے قبل ایم کیو ایم کے سربراہ نے اعلان کیا تھا کہ وہ حکومتی اتحادی ہونے کے ناطے چیئرمین سینیٹ کا ووٹ حکومتی امیدوار صادق سنجرانی کو دیں گے۔

دوسری جانب اتحادی جماعتوں نے ڈپٹی چیئرمین سینیٹ کے معاملے پر وزیر اعظم عمران خان کو امیدوار منتخب کرنے کا اختیار دے رکھا ہے۔

اتحادیوں نے چیئرمین، ڈپٹی چیئرمین سینیٹ کا انتخاب بھرپور انداز سے لڑنے کا فیصلہ کیا، اتحادی قیادت نے کہا وزیر اعظم ڈپٹی چیئرمین کے لیے جسے بھی نامزد کریں گے، وہ فیصلہ ہمیں قبول ہوگا۔

Comments

یہ بھی پڑھیں