اکرا: افریقی ملک گھانا میں آبشارپردرخت کےگرنے سے کم از کم 20 افراد ہلاک اور متعدد زخمی ہوگئے۔
تفصیلات کےمطابق گھانامیں برونگ اہافو علاقے میں کنٹامپو آبشار پرطوفان کےباعث درخت جاگرا جس کے نتیجے میں 20افراد ہلاک جبکہ 30افراد اس حادثے میں زخمی ہوگئے۔
گھانا کےمیڈیا مطابق بارش کے شروع ہوتے ہی اونچائی پر کھڑا ایک بڑا سا درخت گر گیا جس کی زد میں خوشیاں مناتے لوگ آ گئے۔
گھانا فائر سروس کے ترجمان کاکہناہےکہ 18 طلبہ جائے حادثے پر ہی ہلاک ہو گئے جبکہ دوافراد اسپتال میں دم توڑ گئے۔
انہوں نے بتایا کہ 11 افراد کا کنٹامپو میونسپل اسپتال میں علاج جاری ہے جن میں سے ایک سکول انتظامیہ کا انچارج ہے جو کہ ٹرپ کو لے کر وہاں پہنچا تھا۔
گھانا کی وزیر سیاحت کیتھرن ابیلما افیکو نے اپنےبیان میں کہاکہ ہم سوگوار خاندانوں کے ساتھ اظہار ہمدردی کرتے ہیں اور زخمیوں کے لیے دعاگو ہیں۔
مزید پڑھیں:پیرو میں طوفانی بارشوں سے ہلاکتوں کی تعداد 72ہوگئی
یاد رہےکہ گزشتہ روز جنوبی امریکہ کےملک پیرو میں شدید بارشوں اور سیلاب کے باعث 72افراد جان کی بازی ہارچکےجبکہ نظام زندگی بری طرح متاثرہواہے۔
واضح رہےکہ پیرو میں بارشوں کے بعد سیلابی صورت حال کو 20برس کے دوران آنے والا سب سے تباہ کن سیلاب قرار دیاگیا ہے ،جس سے ملک کی آدھی آبادی متاثر ہےاور سینکڑوں افراد کو نقل مکانی پر مجبور ہوگئے۔
