The news is by your side.

Advertisement

جاپانی پولیس کو مطلوب ‘سرغنہ’ گھانا میں پکڑا گیا

آکرا: جاپانی پولیس کو مطلوب ملزم گھانا میں پکڑا گیا، ملزم کے بارے میں کہا جا رہا ہے کہ وہ غیر ملکی خواتین کے روپ میں محبت اور شادی کا جھانسا دے کر لوگوں کو لوٹ رہا تھا۔

تفصیلات کے مطابق جاپان کے ایک بین الاقوامی ’رومانوی دھوکا باز‘ گروپ کے سرغنہ کو گھانا میں حراست میں لے لیا گیا، موریکاوا کے بارے میں کہا جا رہا ہے کہ وہ عورت کے روپ میں مایوس مردوں کو جھانسا دے کر لوٹتا تھا۔

میڈیا رپورٹس میں کہا گیا ہے کہ موریکاوا ہِکارُو کو گزشتہ ماہ گھانا میں غیر قانونی طور پر ملک میں رہنے کے الزام میں حراست میں لیا گیا تھا۔

جاپانی پولیس کے مطابق مورِیکاوا اور اس کے گروپ کے دیگر ارکان نے 2 افراد سے تقریباً 11 ہزار ڈالر ہتھیائے تھے۔

اس گروپ نے ایک میچ میکنگ اپلی کیشن پر امریکی مصنف وغیرہ جیسی جھوٹی شناخت کا استعمال کر کے لوگوں کو محبت کے جال میں پھنسایا اور ان سے روزمرہ اخراجات وغیرہ کے لیے پیسے مانگے۔

جاپانی پولیس نے  مئی میں مورِیکاوا کو بین الاقوامی مطلوب افراد کی فہرست میں ڈال دیا تھا، انھہیں شبہ ہے کہ وہ گھانا سے جاپان میں گروپ کے دیگر ارکان کو ہدایات دے رہا تھا۔

توقع ہے کہ 58 سالہ مشتبہ شخص کو جلد ہی جاپان واپس بھیج دیا جائے گا، جاپان پہنچنے پر پولیس اسے گرفتار کر لے گی، تفتیش کاروں کا کہنا ہے کہ گروپ کے بینک اکاؤنٹس کے ریکارڈ سے پتا چلتا ہے کہ متاثرین باور کیے جانے والے 65 افراد نے تقریباً 30 لاکھ ڈالر جمع کروائے تھے۔

Comments

یہ بھی پڑھیں