بھارتی ریاست اترپردیش کے شہر غازی آباد میں بدمعاش بننے کے خواہش مند شہری کو پولیس نے گرفتار کرلیا۔
بھارتی میڈیا رپورٹ کے مطابق غازی آباد سے تعلق رکھنے والے رتک ملک نے اسلحے کے ساتھ سماجی رابطے کی ویب سائٹ پر ویڈیوز شیئر کیں اور انہیں لہرا کر رعب قائم کرنے کی کوشش کی۔
نوجوان نے ویڈیو میں کہا کہ وہ علاقے کا بدمعاش، منشیات فروش اور جرم کی دنیا کا بڑا نام بننا چاہتا ہے تاکہ لوگ اُس کے نام سے خوف زدہ ہوں اور اُس کا رعب قائم ہو۔
پولیس نے سماجی رابطے کی ویب سائٹ پر ویڈیو وائرل ہونے کے بعد اس کا نوٹس لیا اور رتک کو گرفتار کر کے اُس کے قبضے سے دو پستولیں برآمد بھی کیں۔
تھانہ ٹرونکا سٹی کے آفسر سندیپ کمار سنگھ نے بتایا کہ نوجوان کے خلاف مقدمہ درج کر کے اُسے جیل میں ڈال دیا گیا۔
राहों में उनसे मुलाकात हो गई 🚔🚔 जिससे डरते थे वही बात हो गयी । एक और महापुरुष तमंचे के प्रेम में पहुँच गये जेल । खैर ग़लती मान ली यही बड़ी बात है । आने वाले भविष्य के लिये शुभकामनायें । 😆😆 pic.twitter.com/liyOokUbU4
— Dr. Iraj Raja IPS (@drIRAJRAJA) July 19, 2021
پولیس آفیسر نے نوجوان کی دو تصاویر بھی سماجی رابطے کی ویب سائٹ پر شیئر کیں جس میں وہ زمین پر ہاتھ جوڑ کر بیٹھا ہوا تھا۔
