مکہ مکرمہ : مکہ مکرمہ میں غلاف کعبہ کی تبدیلی کی روح پرورتقریب جس میں ہرسال 9ذی الحج غلاف کعبہ کوتبدیل کیاجاتاہے۔
تفصیلات کے مطابق مکہ مکرمہ میں غلاف کعبہ کی روح پرور تقریب کا آغاز نماز فجر کے فوراََ بعد ہواغلاف کعبہ کی تیاری پر2کروڑ20لاکھ ریال لاگت آئی ہے۔
غلاف کعبہ کی تیاری میں 670کلو گرام خالص ریشم اور سونے چاندی کے ایک سو پچاس کلو گرام دھاگے استعمال کئے گئےہیں۔
غلاف کعبہ خادم الحرمین شریفین کی جانب سےبطورہدیہ پیش کیاجاتاہےاس سال غلاف کعبہ میں”اللہ اکبر”کی4قندیلوں کااضافہ کیاگیاہے۔
حج کارکن اعظم وقوف عرفہ آج اداکیاجائےگا،گورنرمکہ مکرمہ ریجن ونگران اعلیٰ حج کمیٹی شہزادہ خالدالفیصل وزیرداخلہ اورچیرمین حج سپریم کمیٹی شہزادہ محمدبن نائف بھی میدان عرفات پہنچ گئے۔
سعودی مفتی اعظم عبدالعزیزآل الشیخ علالت کےباعث حج کاخطبہ نہیں دےسکیں گے۔
دنیابھرسے18لاکھ سے زائد عازمین حج کی ادائیگی کےلیےسعودی عرب پہنچےہیں جبکہ مکہ مکرمہ سے 2لاکھ سےزائدمقامی عازمین بھی حج اداکریں گے۔
حج کے موقع پر سعودی حکومت کی جانب سے ایک لاکھ سے زائد تعینات سیکورٹی اہلکار تعینات کیے گئے ہیں۔
واضح رہے کہ اس سال ایک لاکھ 43 ہزار پاکستانی حج کا فریضہ اداکریں گے۔
