کولکتہ:معروف غزل گلوکار غلام علی کی بھارتی شہر کولکتہ میں شاندار پرفارمنس کو بھارتی چینلز نے لائیو نشر کیا۔
معروف غزل گائیک غلام علی کولکتہ پہنچ گئے، جہاں انہوں نے کنسرٹ میں آواز کا جادو جگا کر حاضرین پر سحر طاری کردیا، کولکتہ میں غلام علی کے کنسرٹ کے خلاف انتہاپسندوں نے دھمکیاں دی تھیں، لیکن سر کے ہتھیار نے انتہا پسندی کو شکست دے دی۔
غزل گائیک غلام علی کا استقبال مغربی بنگال کی وزیراعلٰی ممتابنرجی نے کیا۔
- Advertisement -
یاد رہے کہ چند ماہ پہلے انتہا پسند تنظیم شیو سینا کی دھمکیوں کے باعث ممبئی میں غلام علی کاکنسرٹ منسوخ ہوا تو دہلی اور لکھنو کے کنسرٹ بھی منسوخ کردئیے گئے، غلام علی نے کہا تھا کہ وہ آئندہ بھارت میں پرفارم نہیں کریں گے لیکن بھارتی مداحوں نے انہیں مناہی لیا۔
