The news is by your side.

Advertisement

نوازشریف لیڈرنہیں ہیں انہیں بنایا گیا تھا، غلام مصطفٰی کھر

لاہور: پاکستان تحریک انصاف کے رہنماء اور سابق گورنر پنجاب غلام مصطفٰی کھر نے کہا ہے کہ نواز شریف فوج کیخلاف بول کر بہت بڑی غلطی کر رہے ہیں، وہ لیڈر نہیں تھے بلکہ انہیں بنایا گیا تھا۔

ان خیالات کا اظہار انہوں نے لاہور میں پریس کانفرنس سے خطاب کرتے ہوئے کیا، انہوں نے کہا کہ میں نواز شریف کے بہت قریب رہا ہوں، نااہل وزیراعظم بھی آمر ضیاءالحق کی طرح  کسی کا اچھا مشورہ نہیں مانتے۔

غلام مصطفیٰ کھر نے کہا کہ پاکستان کی تاریخ میں قائد اعظم کے سوا تمام سیاستدان فوج کی مدد سے ہی اقتدار میں آئے، عمران خان فوج کی مدد سے سیاست نہیں کر رہے مگر فوج کوعمران خان کی مدد ضرور کرنی چاہیئے۔

انہوں نے کہا کہ فوج کی جانب سے مدد کا مطلب صرف صاف شفاف الیکشن کروانا ہی ہونا چاہیئے، نواز شریف اول درجے کے احمق ہیں، وہ لیڈر کبھی بھی نہیں تھے انہیں بنایا گیا تھا،

پاناما لیکس کے آنے پر نواز شریف نے عہد کیا تھا کہ عدالتی فیصلہ ان کیخلاف آیا تو وہ چپ کر کے گھر چلے جائیں گے مگر ایسا نہیں ہوا، پانامہ کیس میں نواز شریف کیخلاف ابھی تو صرف ایک چوتھائی کارروائی ہوئی ہے، تین حصے آنا ابھی باقی ہیں۔

ان کا کہنا تھا کہ سانحہ مشرقی پاکستان کی ذمہ دار بیورو کریسی اور کسی حد تک اسٹیبلشمنٹ رہی ہے، عوام موجودہ حکومت سے مایوس ہیں، جیسی دھاندلی 2013 کے الیکشن میں ہوئی اللہ نہ کرے کہ ایسا دوبارہ کبھی ہو۔

Print Friendly, PDF & Email

Comments

comments

یہ بھی پڑھیں