The news is by your side.

Advertisement

اسٹریٹ کرائم کی روک تھام میں ناکامی، عمران یعقوب فارغ ، غلام نبی میمن ایڈیشنل آئی جی کراچی تعینات

کراچی : اسٹریٹ کرائم کی روک تھام میں ناکامی پر عمران یعقوب منہاس کو عہدے سے ہٹاتے ہوئے غلام نبی میمن کو ایڈیشنل آئی جی کراچی تعینات کردیا گیا۔

تفصیلات کے مطابق کراچی میں اسٹریٹ کرائم کی روک تھام میں ناکامی پر ایڈیشنل آئی جی کراچی عمران یعقوب منہاس کو ہٹانے کا فیصلہ کرلیا۔

سندھ حکومت نے عمران یعقوب منہاس کی جگہ غلام نبی میمن کوایڈیشنل آئی جی کراچی تعینات کردیا اور اس حوالے سے نوٹیفکیشن بھی جاری کردیا۔

کچھ عرصہ قبل گریڈ21 کی سیٹ بنا کر اے آئی جی رینک افسر کو تعینات کیاگیاتھا ، اس کے بعد سی ٹی ڈی کی سیٹ ختم کر کے گریڈ20 کے افسر عمر شاہد کو چارج دیا گیا اور اب پھر سی ٹی ڈی کی سیٹ پر گریڈ 21 کے افسرغلام نبی میمن کو تعینات کیا گیا ہے۔

غلام نبی میمن پہلے بھی کراچی پولیس چیف رہے چکے ہیں ، غلام نبی میمن نےبطورکراچی پولیس چیف کافی اصلاحات کی کوشش کی۔

عمران یعقوب منہاس کا دور پولیس اصلاحات پرمایوس کن رہا ، گزشتہ 10روز میں لوٹ مار کے دوران مزاحمت پر11 افراد لقمہ اجل بنے۔

Comments

یہ بھی پڑھیں