چیئرمین پیپلزپارٹی بلاول بھٹو نے پریزائیڈنگ افسر کو حکومت کااتحادی قرار دیتے ہوئے کہا ہے کہ یوسف رضاگیلانی کے درست ووٹوں کو مسترد کیا گیا ہم جیت چکےہیں چیئرمین سینیٹ کاالیکشن چرایا گیا ہے۔
اسلام آباد میں پریس کانفرنس کرتے ہوئے بلاول بھٹو نے کہا کہ سینیٹ میں اپوزیشن کی اکثریت تھی، پریزائیڈنگ افسر نے یوسف رضاگیلانی کے7ووٹ مستردکیے، ڈبل مہروالاووٹ مستردہوتاہے گیلانی صاحب کامیاب ہونے کے باوجود اس کرسی پرابھی نہیں بیٹھا۔
بلاول بھٹو نے کہا کہ مریم نوازاوراپنےوکلاسےمشاورت کی ہے، غیرآئینی اورغیرقانونی اقدام کوعدالت میں چیلنج کریں گے، قومی اسمبلی کےارکان عمران خان کےنہیں اپوزیشن کےساتھ ہیں آج بھی ثابت ہواہےسینیٹرزحکومت نہیں اپوزیشن کےساتھ ہیں۔
انہوں نے الزام عائد کیا کہ دھاندلی کےذریعےصادق سنجرانی کوسینیٹ پرمسلط کیاگیاہے، پریزائیڈنگ افسر حکومت کے اتحادی ہیں ان کی طرف سےسازش ہوئی ہے چیئرمین سینیٹ کاالیکشن عوام کی آنکھوں کےسامنےچوری کیاگیا جنرل الیکشن میں میں نےاپنےنام پرایسےہی ووٹ ڈالاتھا۔
بلاول بھٹو نے مزید کہا کہ یوسف رضاگیلانی چیئرمین سینیٹ بن چکےہیں، امیدہےہمیں عدالت سےانصاف ملےگا جب کہ صادق سنجرانی کےخلاف تحریک عدم اعتمادپرمشاورت جاری ہے، تحریک اعتمادسےپہلےہمیں عدالت جاناچاہئے، چاہتےہیں ہرادارہ نیوٹرل رہے۔
