site
stats
حیرت انگیز

پیار ہم سے شادی کسی اور سے، محبوبہ عاشق کو اغوا کر کے لےگئی

کانپور: بھارتی لڑکی نے دھوکا دینے والے عاشق سے انتقام لینے کے لیے عین شادی کے وقت اُسے اغوا کیا اور اپنے ہمراہ لے گئی۔

بھارتی میڈیا کے مطابق کانپور کے علاقے بھاوانی پور گاؤں کے ڈسٹرکٹ ہمیر پور میں جمعرات کے روز انوکھا واقعہ پیش آیا کہ جب ایک خاتون نے مسلح افراد کے ہمراہ شادی کی تقریب پر دھاوا بھولا اور دولہا کو اغواء کر کے لے گئی۔

اغوا کی واردات جمعرات کے روز ہوئی جس کے بعد سے لڑکے کی تلاش جاری ہے مگر پولیس تاحال کوئی سراغ لگانے میں ناکام نظر آرہی ہے، اہل خانہ کے مطابق اشوک یادوو نامی شخص کے لڑکی کے ساتھ تعلقات تھے۔

پولیس نے اغوا کا مقدمہ درج کر کے تحقیقات کا آغاز کیا تو یہ بات سامنے آئی کہ لڑکے اور لڑکی کے درمیان کافی عرصے سے بات چیت کا سلسلہ جاری تھا تاہم منگنی کے بعد یاددو نے لڑکی سے بات چیت بالکل بند کردی تھی۔

لڑکی کو جیسے ہی اپنے عاشق کی شادی کی اطلاع ملی تو اُس نے مسلح افراد کے ہمراہ شادی کی تقریب پر دھاوا بولا اور لڑکے کو پستول دکھا کر اسٹیج سے اتار کر اپنے ساتھ لے گئی۔

تقریب میں موجود عینی شاہدین کے مطابق لڑکی نے دولہا سے شادی کرنے کی وجوہات جاننے کی کوشش کی جس پر اُسے کوئی جواب موصول نہیں ہوا، جس کے بعد لڑکی نے  تقریب میں باآواز بلند جملہ کہا کہ ’’پیار ہم سے اور شادی کسی اور سے کروگے؟ یہ ہم بالکل برداشت نہیں کریں گے‘‘۔

ان جملوں کی ادائیگی کے ساتھ لڑکی نے اپنے عاشق (دولہا) کو گریبان سے پکڑا اور گاڑی میں ڈال کر اپنے ہمراہ لے گئی، پولیس کے مطابق دو روز گزر جانے کے بعد ابھی تک لڑکے کا کوئی سراغ نہیں مل سکا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top