The news is by your side.

Advertisement

دو ہفتے قبل ملنے والی ماڈل کی لاش کا معمہ حل، نرس سمیت دو ملزمان گرفتار

کراچی : موچکو سے ملنے والی لڑکی کی لاش کا معمہ حل ہوگیا، ماڈل رباب کی مبینہ اسقاط حمل کے دوران  موت واقع ہوئی تھی، نرس اور اسسٹنٹ کو گرفتار کرلیا گیا۔

تفصیلات کے مطابق کراچی کے علاقے موچکو سے دو ہفتے قبل ملنے والی لڑکی کی لاش کا معمہ پولیس نے حل کرلیا۔ ہلاک ہونے والی لڑکی ماڈل تھی۔

پولیس کے مطابق ماڈل رباب شفیق کی زچگی کے دوران مبینہ موت واقع ہوئی تھی، ملزمان نے رباب کی لاش قبرستان میں پھینک دی، نرس اور اسسٹنٹ کو گرفتار کرلیا گیا ہے۔

ماڈل گرل کے دوست کی گرفتاری کیلیے ٹیم تشکییل دے دی گئی، لڑکی کے دوست کی تلاش کے لیے پولیس اسلام آباد روانہ ہو گئی ہے، مزید تحقیقات جاری ہیں۔

پولیس کے مطابق رباب شفیق نام ماڈل گرل علاج کا غلط طریقہ اختیار کرنے کے باعث ہلاک ہوئی ،پوسٹ مارٹم رپورٹ کے مطابق رباب کےایک ہاتھ میں7اورایک ہاتھ میں9انجیکشن کے نشان ہیں۔

موچکو تھانے میں درج ایف آٸی آر میں عمر نامی شخص سمیت تین افراد کو نامزد کیا گیا تھا، ماڈل گرل غلط علاج کے باعث ہلاک ہوئی، لڑکی نے اسقاط حمل کرایااور غلط علاج کی وجہ سے چل بسی۔

Comments

comments

یہ بھی پڑھیں