The news is by your side.

Advertisement

ایک روپے کا سکہ گلے میں پھنسنے پر بچی کی موت

میسور: بعض اوقات بچوں کی معمولی سی غلطی خاندان کے لیے الم ناک سانحہ بن جاتی ہے، ایسا ہی ایک واقعہ بھارت کی ریاست کرناٹک کے مشہور شہر میسور میں پیش آیا۔

میسور کے ایک گاؤں ہنسور میں ایک بچی کی موت ایک روپے کا سکہ نگلنے سے ہوئی، اس نے سکہ منہ میں ڈالا اور وہ فوراً پھسل کر گلے میں جا کر پھنس گیا۔

رپورٹس کے مطابق 4 سالہ بچی کو جمعے کے دن اس کے ماموں نے غبارہ خریدنے کے لیے ایک روپے کا سکہ دیا تھا، اس نے سکہ منہ میں ڈال کر کھیلنا شروع کیا، اچانک وہ اس کے گلے میں اتر گیا، لیکن اس نے گھر والوں کو نہیں بتایا، حادثے کے وقت وہ اپنی نانی کے گھر پر تھی۔

بدقسمتی سے سکہ تین دن تک بچی کے گلے میں پھنسا رہا، سانس کی نالی میں پھنسے سکے کی وجہ سے گلے میں انفیکشن ہو گیا اور پھر علاج کے دوران اس کی موت واقع ہو گئی۔

حادثے کے اگلے دن بچی کو سانس لینے میں تکلیف ہونے لگی تو گھر والوں کو پتا چلا کہ سانس لینے کی نالی میں کچھ پھنسا ہوا ہے، اسپتال لے جانے پر بچی نے ڈاکٹر کو بتایا کہ اس نے سکہ نگل لیا تھا۔

اسپتال میں بچی کا علاج شروع کیا گیا لیکن وہ انفیکشن کے باعث جاں بر نہ ہو سکی اور اتوار کو اس کی موت واقع ہو گئی۔

Comments

یہ بھی پڑھیں