اژدہوں کا شمار دنیا کے خطرناک ترین جانوروں میں ہوتا ہے اور اس کا نام سنتے ہی جسم میں ایک خوف کی لہر سی دوڑ جاتی ہے لیکن اس ویڈیو میں آپ ایسے اژدہے کو دیکھ رہے ہیں جسے سامنے دیکھ کر خوف سے جسم کانپ جائے۔
جی ہاں !! ایسے لوگ بھی ہیں جو ان خطرناک جانوروں کو شوقیہ طور پر پالتے ہیں اور یہ جانور بھی ان سے بہت مانوس رہتے ہیں جیسے وہ ان ہی کے خاندان کا کوئی فرد ہوں۔
اس حوالے سے سوشل میڈیاپر ایک ویڈیو وائرل ہورہی ہے جس میں ایک لڑکی کو کئی فٹ لمبے اژدہے سے ساتھ بیٹھے دیکھا جاسکتا ہے اور اژدہا بھی اس کی گود میں سکون سے سر رکھے لیٹا ہوا ہے۔
I'm your friend…. for now pic.twitter.com/UCz1G11MFP
— Wow Terrifying (@WowTerrifying) March 3, 2023
مذکورہ لڑکی جس کے ہاتھ میں موبائل فون یا ٹیبلٹ ہے بے حد سکون سے اپنے کام میں مشغول ہے یہ سوچے بغیر کہ اس ساتھ دنیا کا خطرناک ترین جانور بھی موجود ہے لیکن یہ ویڈیو دیکھنے والے یقیناً حیرت زدہ ہوں گے۔
یہ لڑکی ویڈیو میں جس طرح کسی کی پرواہ کیے بغیر بیٹھی ہے اس سے ظاہر ہوتا ہے کہ رینگنے والا یہ جانور اس سے کتنا مانوس ہے اور دونوں کی آپس میں کتنی دوستی اور گہرا تعلق ہے۔
