تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سفاک باپ، بھائیوں اور ماموں نے لڑکی کو جلا کر مار ڈالا

ممبئی : بھارت میں باپ نے غیرت کے نام پر اپنی 23 سالہ بیٹی کو اس کے بھائیوں اور ماموں کے ساتھ مل کر قتل کردیا، ملزمان نے لڑکی کو پہلے قتل کیا اور پھر لاش جلا ڈالی۔

بھارتی میڈیا کی رپورٹ کے مطابق بھارتی ریاست مہاراشٹرا کے شہر پونے کے ایک گاؤں میں 23 سالہ لڑکی کے وحشیانہ انداز میں کیے گئے قتل کا اندوہناک واقعہ پیش آیا ہے۔

رپورٹ کے مطابق 23 سالہ شوبھانگی بی ایچ ایم ایس کے تیسرے سال میں زیر تعلیم تھی جس کی گاؤں کے ایک نوجوان سے دوستی ہوگئی اور وہ دونوں ایک دوسرے سے شادی بھی کرنا چاہتے تھے۔

اس بات کا علم جب شوبھانگی کے گھر والوں کو ہوا تو انہوں نے اپنی بیٹی کی کسی اور جگہ شادی طے کردی جسے لڑکی نے قبول نہیں کیا۔

بعد ازاں رشتے داروں کے طعنوں، بدنامی اور غیرت کے نام پر مشتعل ہوکر شوبھانگی کے والد، بھائیوں اور ماموں نے اسے قتل کرنے کا منصوبہ بنایا۔

پانچوں ملزمان نے مل کر لڑکی کو ایک کھیت میں قتل کردیا اور شناخت کو مٹانے کیلئے اس کی لاش کو نذرآتش کردیا اور اس کی راکھ ندی میں پھینک دی۔

واقعے کے تین چار دن بعد علاقہ مکینوں کو شک گزرا تو انہوں نے اس حوالے سے پولیس کو آگاہ کیا جس کے بعد ابتدائی تفتیش میں ہی ملزمان نے واردات کا اعتراف کرلیا۔ پولیس نے واردات میں ملوث والد، ماموں اور تین بھائیوں کو گرفتار کرلیا۔

واضح رہے کہ بھارت میں غیرت کے نام پر قتل کے رجحان میں دن بدن اضافہ ہوتا جارہا ہے اور آئے روز اس طرح کے کئی واقعات پیش آرہے ہیں۔

Comments

- Advertisement -