The news is by your side.

Advertisement

خالو نے سالی کی بیٹی کو زیادتی کا نشانہ بنادیا، بچی دوران علاج دم توڑ گئی

اوکاڑہ: پنجاب کے ضلع اوکاڑہ میں خالو نے سالی کی بیٹی کو مبینہ طور پر زیادتی کا نشانہ بنا ڈالا، بچی دوران علاج دم توڑ گئی۔

اے آر وائی نیوز کی رپورٹ کے مطابق اوکاڑہ کے نواحی گاؤں فور ایل میں خالو نے سالی کی بیٹی کے ساتھ مبینہ زیادتی کا نشانہ بنایا، حاملہ ہونے کے بعد حمل ضائع کروانے کے دوران بچی انتقال کرگئی۔

بچی سے زیادتی کے الزام میں ملزم خالو غلام انور اور اس کی بیوی ساجدہ بی بی کو گرفتار کرکے مقدمہ درج کرلیا گیا۔

ذرائع کا کہنا ہے کہ والدین کے جھگڑے کے باعث لڑکی خالو کے پاس رہتی تھی، مبینہ طور پر ملزم خالو غلام انور اور اس کی بیوی ساجدہ بی بی حراست میں لے لیا گیا۔

مزید پڑھیں: ننھی زینب کا قتل کس چیز سے کیا گیا؟ پولیس نے قاتل کو گرفتار اور آلہ قتل برآمد کر لیا

پولیس کا کہنا ہے کہ بچی کی والدہ کی مدعیت میں مقدمہ درج کرکے مزید تحقیقات جاری ہیں، بچی کا پوسٹ مارٹم کرکے نعش ورثا کے حوالے کردی گئی۔

واضح رہے کہ گزشتہ دنوں چارسدہ میں ڈھائی سال کی بچی کو زیادتی کا نشانہ بنانے کے بعد قتل کردیا گیا تھا، بچی کے قتل میں ملوث ملزم کو گرفتار کرلیا گیا ہے ملزم نے دوران تفتیش جرم کا اعتراف کرلیا۔

Comments

یہ بھی پڑھیں