میڈرڈ: اسپین میں عمارت کی چوتھی منزل پر بنے تنگ پلیٹ فارم پر چلتی بچی نے لوگوں کو خوفزدہ کردیا جس کی ویڈیو وائرل ہوگئی۔
غیرملکی خبررساں ادارے کی رپورٹ کے مطابق اسپین کے جزیرے ٹینی رائف میں شرارتی بچی عمارت کی چوتھی منزل کے سرے پر چلتی دکھائی دی، بچی کی اس حرکت نے لوگوں کے دل دہلا دئیے۔
ویڈیو میں دیکھا جاسکتا ہے کہ بچی کھڑکی سے باہر نکل کر چوتھی منزل پر بنے انتہائی تنگ پلیٹ فارم پر پہنچ گئی اور واپس دوبارہ کھڑکی سے اندر چلی گئی اور کسی بھی ناخوشگوار واقعے سے محفوظ رہی۔
This is absolutely terrifying to watch. Apparently recorded in Tenerife… I always try to book ground floor rooms when on hols with the kids.. you can see why pic.twitter.com/Vxlps0aoYJ
— Jer Dixon (@JeremyDixonDJ) January 6, 2020
رپورٹ کے مطابق بچی کے والدین فن لینڈ سے چھٹیاں گزارنے کے لیے اسپین پہنچے تھے، بچی اور والدین کا نام ظاہر نہیں کیا گیا ہے۔
پولیس کو مذکورہ واقعے کی اطلاع پیر کو ملی تھی ،بچی کے والدین کی تلاش جاری ہے تاہم یہ پتا نہیں چل سکا ہے کہ آیا وہ ابھی تک اسپین میں ہیں یا ملک چھوڑ چکے ہیں۔
بچی کی ویڈیو سماجی رابطے کی ویب سائٹ فیس بک پر شیئر ہوئی جو دیکھتے ہی دیکھتے وائرل ہوگئی، ویڈیو کو فیس بک پر اب تک تیس لاکھ سے زائد افراد دیکھ چکے ہیں جبکہ 35 ہزار بار ویڈیو کو شیئر کیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں