The news is by your side.

Advertisement

لمبے بالوں کی‌ خواہش میں لڑکی اپنے بال بھی گنوا بیٹھی، بیوٹی سیلون کے خلاف ہرجانے کا دعویٰ

لاہور : لڑکی نے لمبے بالوں کی خواہش میں ایکسٹینشن لگوائی اور اپنے بال بھی گنوا دیے، متاثرہ لڑکی نے بال خراب ہونے پر بیوٹی سیلون کے خلاف ایک کروڑ ہر جانے کا دعویٰ دائر کردیا۔

تفصیلات کے مطابق لاہور کی رہاٸشی مدیحہ نے شادی کی تقریب کے لیے بال لمبے کرنے کے لیے مقامی بیوٹی سیلون سے ایکسٹینشن لگوائی، تقریب کے بعد لڑکی کے بال غیر معیاری کیمیکل کی وجہ چپک گئے، جو بڑی مشکل سے کھولے گئے۔

ایکسٹینشن اتارنے کے عمل میں لڑکی کے اپنے بال ایسے خراب ہوٸے کہ دوبارہ ٹھیک نہ ہوسکے۔

متاثرہ لڑکی مدیحہ نے بیوٹی سیلون کے خلاف صارف عدالت میں ایک کروڑ ہر جانے دعوی دائر کر دیا، جس میں موقف اختیار کیا گیا کہ بیوٹی سیلون نے ایسی ایکسٹینشن لگائی کہ میرے اپنے بال تباہ ہوگئے۔

متاثرہ لڑکی کا کہنا تھا کہ بیوٹی سیلون کے ناقص سامان اور ان ٹرینڈ عملہ کی وجہ سے زندگی اجیرن ہو گئی، مدیحہ نے عدالت سے استدعا کی کہ بیوٹی سیلون کو ایک کروڑ ہرجانہ ادا کرنے کا حکم دے۔

عدالت نے متاثرہ لڑکی کے دعوی پر بیوٹی سیلون سے جواب طلب کر لیا۔

Comments

یہ بھی پڑھیں