The news is by your side.

Advertisement

فیصل آباد : گھریلو ملازمہ تشدد کیس میں اہم پیشرفت، ملزم بچے کے وارنٹ گرفتاری

فیصل آباد : کم عمر گھریلو ملازمہ پر تشدد کیس میں متاثرہ ملازمہ صدف کو عدالت میں پیش کردیا گیا، پانچ دن بعد بھی پولیس بچی کی میڈیکل رپورٹ پیش نہ کرسکی۔

عدالت نے بچی کو ایک ہفتے کے لیے چائلڈ پروٹیکشن بیورو کےحوالے کردیا، ساتھ ہی تشدد کرنے والے بچے حمزہ کے وارنٹ گرفتاری بھی جاری کردیے گئے۔

کمسن ملازمہ صدف کو پولیس نے عدالت میں پیش کردیا اس موقع پر میڈیکل اور دیگر قانونی کارروائی مکمل کرنے کے لیے بچی کو چائلڈ پروٹیکشن بیورو کے حوالے کردیا گیا۔

اس کے علاوہ عدالت نے تشدد کرنے والے بچے حمزہ کے بھی وارنٹ جاری کردیئے، کیس کی سماعت کے موقع پر چائلڈ پروٹیکشن بیورو کے عہدیدار نے کہا کہ حمزہ کے والدین اسے تشدد پر اکساتے ہیں، بہتر ہے کہ اس کی اچھی پرورش کی ذمہ داری ہمیں دی جائے۔

مزید پڑھیں : گھریلو ملازمہ پر تشدد کرنیوالی ثمینہ منیر دھمکیوں پر اتر آئی

تھانہ مدینہ ٹاؤن میں تشدد میں ملوث دیگر افراد کی گرفتاری کی درخواست دی گئی ہے، ملازمہ تشدد کیس میں اس وقت صرف ثمینہ منیر زیر حراست ہیں جبکہ دوبارہ گرفتاری کے خوف سے رانا منیر اور اس کی بیٹی اور داماد نے ضمانت قبل از گرفتاری حاصل کرلی ہے۔

Comments

یہ بھی پڑھیں