کراچی : گذری میں مبینہ پولیس مقابلےکی تحریری رپورٹ اعلیٰ حکام کو بھیج دی گئی۔ پولیس نےدوسرے ملزم کومجسٹریٹ کےسامنےپیش کرکے ایک روزہ راہداری ریمانڈ بھی حاصل کرلیا۔
گذری میں ہونے والا مبینہ پولیس مقابلہ جعلی یا حقیقی تھا، اس حوالے سے پولیس نے رپورٹ تیار کرکے اعلیٰ افسران کو پیش کردی۔
تحریری رپورٹ کے مطابق یکم جنوری کی رات گیارہ بجے پولیس کو ڈیفنس فیز سیون خیابان سے ایک کال موصول ہوئی۔ کال کرنے والے شخص نے بتایا کے دو موٹرسائکل سوار ان سے لوٹ مار کر کے فرار ہو گئے ہیں۔
رپورٹ میں بتایا گیا ہے کہ مدعی کی نشاندہی پرپولیس نے ملزمان کا تعاقب کیا جہاں پولیس اور ملزمان کے درمیان فائرنگ کا تبادلہ ہوا۔
مقابلے میں مبینہ ملزم زکریا ہلاک ہوا جبکہ اس کے ساتھی آزاد کو ذخمی حالت میں گرفتار کیا گیا، رپورٹ میں پولیس کے موقف کے مطابق مدعی مقبلے کے دوران پولیس کے ہمراہ تھے اور انہوں نے ہلاک ہونے والے اور ذخمی ملزم کی شناخت کرلی ہے.
ملزمان کے قبضے سے چار موبائل اور نقدی بھی برآمد بھی کی ہے۔۔۔ پولیس نے ملزم کو مجسٹریٹ کے سامنے پیش کرکے ایک روزہ راہداری ریمانڈ حاصل کر لیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں