جیمز بانڈ سیریز کے نئے 007 ایجنٹ ڈینیئل کریگ کی شان دار جاسوسی فلم نائیوز آؤٹ کا سیکوئل تیار ہو گیا ہے، نیٹ فلیکس نے ریلیز ہونے کی تاریخ کا بھی اعلان کر دیا۔
جاسوسی فلموں کے شوقین افراد کے لیے خوش خبری ہے کہ ڈینیئل کریگ پھر جاسوس بن گئے ہیں، وہ اس بار 2019 کی ہٹ فلم ’نائیوز آؤٹ‘ کے سیکوئل گلاس اونین میں جلوہ گر ہو رہے ہیں۔
نیٹ فلیکس نے اعلان کیا ہے کہ Glass Onion: A Knives Out Mystery دسمبر 23 کو عالمی سطح پر چھٹیوں کے دنوں میں اسٹریمنگ پلیٹ فارم پر ریلیز ہو رہی ہے۔
Rian Johnson’s Glass Onion: A Knives Out Mystery is coming to select theaters on a date to be announced and globally on Netflix December 23! https://t.co/EdWQ53EOGT pic.twitter.com/TJ9l0IzlJ9
— Netflix (@netflix) August 22, 2022
یہ فلم منتخب سینما گھروں میں بھی ریلیز کی جائے گی، ڈینیئل کریگ اس فلم میں جاسوس بینوئٹ بلینک کے روپ میں اس بار ایک مسٹری حل کرنے کے لیے یونان کا سفر کرتے دکھائی دیں گے۔
فلم میں ان کے ہمراہ کیتھرین ہان، جیسیکا ہین وک، کیٹ ہڈسن، ایڈورڈ نورٹن اور ایتھن ہاک بھی شامل ہیں۔ واضح رہے کہ نائیوز آؤٹ بہترین فلم کے آسکر ایوارڈ کے لیے نامزدگی میں شامل تھی۔ نئے سیکوئل کا ستمبر میں ٹورنٹو انٹرنیشنل فلم فیسٹیول میں پریمیئر ہوگا۔
اس کے پہلے پارٹ نے دنیا بھر میں 20 کروڑ ڈالر سے زائد کا بزنس کیا تھا۔ نیٹ فلیکس کے مطابق فلم میں ڈیو بٹیسٹا بھی اداکاری کرتے دکھائی دیں گے۔