The news is by your side.

Advertisement

عالمی منڈی میں دو ڈالر کی کمی، مقامی مارکیٹ میں سونا فی تولہ 500روپے سستا

کراچی : بین الاقومی گولڈ مارکیٹ میں فی اونس سونے کی قیمت میں دو ڈالرکی کمی ریکارڈ کی گئی جس کے نتیجے میں مقامی صرافہ مارکیٹوں میں بھی فی تولہ سونا500روپے تک سستا ہوگیا۔

آل کراچی صراف اینڈ جیولرز ایسوسی ایشن کے مطابق پیر کو بین الاقوامی گولڈ مارکیٹ میں فی اونس سونے کی قیمت میں دو ڈالر کی کمی ریکارڈ کی گئی، جس کے نتیجے میں فی اونس سونے کی قیمت1286ڈالر سے گھٹ کر1284ڈالرہوگئی۔

آل کراچی صراف اینڈجیولرز ایسوسی ایشن کے مطابق کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت میں500روپے اور10گرام سونے کی قیمت میں428روپے کی کمی ریکارڈ کی گئی۔

جس کے نتیجے میں فی تولہ سونے کی قیمت70500روپے سے گھٹ کر70000روپے اور دس گرام سونے کی قیمت60442روپے سے گھٹ کر60014روپے ہوگئی۔

پیر کو چاندی کی فی تولہ قیمت اور دس گرام قیمت میں استحکام رہا، جس کے نتیجے میں چاندی کی فی تولہ قیمت850روپے اور دس گرام چاندی کی قیمت728.73روپے پر مستحکم رہی۔

Comments

comments

یہ بھی پڑھیں