The news is by your side.

ایرانی ویمن ٹیم کی گول کیپر پر مرد ہونے کا الزام

اردن کی فٹبال ٹیم نے کوالیفائی راؤنڈ میں شکست کے بعد ایرانی ویمن ٹیم کی گول کیپر پر مرد ہونے کا الزام لگاکر تحقیقات کا مطالبہ کردیا۔

غیرملکی میڈیا کے مطابق ایشیا کپ کے کوالیفائی راؤنڈ میں ایران نے اردن کی ویمن فٹبال ٹیم کو پنالٹی شوٹ آؤٹ میں 2-4 سے باآسانی سے شکست دی ہے۔

شکست کے بعد اردنی ٹیم کی جانب سے ایرانی گول کیپر پر الزام لگایا گیا ہے کہ وہ مرد ہے اور ویمن فٹبال ٹیم کا حصہ بنا ہوا ہے، یہ الزام ایرانی گول کیپر زہرہ کودائی کی جانب سے اردن کی فٹبالرز کی 2 ککس حیران کن طور پر آسانی سے روکنے کے بعد لگایا گیا۔

اردن فٹبال ایسوسی ایشن نے ایشین فٹبال کنفیڈریشن (اے ایف سی) سے زہرہ کودائی کی جنس چیک کرنے کا مطالبہ کیا، اردن کے پرنس علی بن حسین نے ایک ٹوئٹ میں کہا کہ اگر زہرہ کودائی مرد ہے تو یہ بہت ہی سنگین ہے۔

انہوں نے ٹوئٹ میں اے ایف سی کو لکھے گئے خط کی تصویر بھی شیئر کی۔

Comments

یہ بھی پڑھیں