کراچی (10 مئی 2026): گلستان جوہر میں ملزمان لاکھوں مالیت کے 25 بکرے چوری کر کے باآسانی فرار ہوگئے جن کی تلاش جاری ہے۔
پولیس حکام نے بتایا کہ گلستان جوہر میں 19 لاکھ سے زائد مالیت کے 25 بکرے چوری کیے گئے، پلاٹ پر بندھے بکروں کو ملزمان پک اپ میں ڈال کر لے گئے۔
واقعہ گزشتہ روز گلستان جوہر بلاک 8 میں پیش آیا تھا جس کی سی سی ٹی وی فوٹیج سامنے آئی ہے۔
متاثرہ مالک نے بتایا کہ بکرے فروخت کیلیے لایا تھا، ملیر کینٹ تھانے میں رپورٹ درج کروا دی ہے۔
پولیس کے مطابق سی سی ٹی وی فوٹیج کی مدد سے ملزمان کی تلاش شروع کر دی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں