گوجرہ میں ٹریفک حادثہ‘ 2 افراد جاں بحق -
The news is by your side.

Advertisement

گوجرہ میں ٹریفک حادثہ‘ 2 افراد جاں بحق

گوجرہ : صوبہ پنجاب کے علاقے گوجرہ میں موٹروے پر ٹرک اور ٹرالر کے درمیان تصادم کے نتیجے میں 2 افراد جاں بحق ہوگئے۔

تفصیلات کے مطابق فیصل آباد سے گوجرہ کی طرف آتے ہوئے موٹروے پر منی ٹرک کی ہیوی ٹرالر سے ٹکر ہوئی جس میں منی ٹرک کا ڈرائیور اور ہیلپر جاں بحق ہو گئے۔

پولیس حکام کے مطابق حادثے میں منی ٹرک کے ڈرائیور 45 سالہ محمد ارشد اور 27 سالہ وسیم اکرم کو شدید زخمی حالت میں موٹروے پولیس نے ٹی ایچ کیو اسپتال گوجرہ پہنچایا جہاں دونوں جان کی بازی ہار گئے۔

تھانہ صدر پولیس نے ہیوی ٹریلر ۔ پلیٹ نمبر TLY215 لسبیلہ کے ڈرائیور خضرحیات کو گرفتار کرلیا ہے۔

پولیس حکام کے مطابق جاں بحق ہونے والے 45 سالہ محمد ارشد چک نمبر 368 اور25 سالہ وسیم اکرم چک نمبر 366 تحصیل جڑانوالہ کے رہائشی ہیں۔

ہالہ : ٹرالر اور باراتیوں کی بس کی ٹکر ،17 افراد جاں بحق

یاد رہے کہ رواں سال 16 جولائی کو مٹیاری کےعلاقے ہالہ کے قریب سڑک کے کنارے باراتیوں سے بھری بس میں ٹرالر جا گھسا تھا، جس کے باعث 17 افراد جاں بحق اور 13 زخمی ہوگئے تھے۔

واضح رہے کہ رواں سال 12 فروری کو ٹنڈو محمد خان روڈ پر دو گاڑیوں کے درمیان تصادم کے نتیجے میں 10 افراد جان کی بازی ہار گئے تھے۔

Comments

comments

یہ بھی پڑھیں