The news is by your side.

Advertisement

گوجرہ: کار اور ٹریلر میں تصادم، 5 افراد جاں بحق

گوجرہ: صوبہ پنجاب کے علاقے گوجرہ میں کار اور ٹریلر میں تصادم کے نتیجے میں 5 افراد جاں بحق ہوگئے۔

تفصیلات کے مطابق ٹوبہ ٹیک سنگھ کی تحصیل گوجرہ میں موٹر وے ایم 4 پر کار اور ٹریلر میں تصادم ہوا، حادثے میں 5 افراد جان کی بازی ہار گئے جبکہ ایک بچہ زخمی ہوگیا۔

ریسکیو حکام کا کہنا ہے کہ جاں بحق افراد میں خاتون اور بچہ شامل ہے۔حادثے میں جاں بحق افراد کی لاشوں کو قریبی اسپتال منتقل کر دیا گیا ہے جہاں قانونی کارروائی کے بعد لاشوں کو ورثا کے حوالے کیا جائے گا۔

ساہیوال: ٹریکٹر ٹرالی اور ٹریلر میں تصادم، 2 خواتین جاں بحق

اس سے قبل 22 اگست کو صوبہ پنجاب کے شہر ساہیوال میں ٹریکٹر ٹرالی اور ٹریلر میں تصادم کے نتیجے میں 2 خواتین جاں بحق جبکہ 25 افراد زخمی ہوگئے تھے۔

پولیس حکام کا کہنا تھا کہ ٹریکٹر ٹرالی میں خواتین کپاس کی چنائی کے لیے کھیت جا رہی تھیں۔

بونیر:گاڑی کھائی میں گر گئی، 8 افراد جاں بحق

یاد رہے کہ گزشتہ ہفتے بونیر میں چلندری چغرزئی میں گاڑی کھائی میں گرنے سے 8 افراد جان کی بازی ہار گئے تھے جبکہ 12 افراد زخمی ہوگئے تھے۔

Comments

یہ بھی پڑھیں