حماس اسرائیل جنگ کے اثرات سے سونا بھی مہنگا ہونے لگا، بین الاقوامی مارکیٹ میں سونا تقریبا 30 ڈالر فی اونس اضافے کے بعد 1852 ڈالر پر پہنچ گیا۔
تفصیلات کے مطابق حماس اور اسرائیل میں جنگ کے بعد بین الاقوامی مارکیٹ میں سونے کی قیمت پر بھی اثر انداز ہوئی ہے اور قیمت پھر بڑھنے لگی ہے۔
سات ستمبر سے اب تک سونے کی قیمت میں تقریبا تیس ڈالر فی اونس کا اضافہ ہوچکا ہے، بین الاقوامی مارکیٹ میں سونے کی قیمت اٹھارہ سو اٹھائیس ڈالرسے بڑھ کر اٹھارہ سو باون ڈالر فی اونس پرپہنچ گئی ہے۔
پاکستان میں چوبیس قیراط سونے کی قیمت دو لاکھ روپے فی تولہ سے اوپر پہنچ گئی ہے جبکہ دس گرام چوبیس قیراط سونے کی قیمت ایک لاکھ بانوے ہزار سے اوپر چلی گئی ہے۔
یاد رہے حکومتی اقدامات کے بعد صرافہ بازاروں میں سونے کی قیمتوں میں کمی ریکارڈ کی گئی تھی اور فی تولہ سونے کی قیمت 1 لاکھ 88 ہزار روپے ہوگئی تھی جبکہ ہ دس گرام کی قیمت میں 24 ہزار 715 روپے کی بڑی کمی ہوئی تھی۔
