کراچی: عالمی منڈی میں سونے کی قیمت میں اضافے کے منفی اثرات مقامی صرافہ بازاروں پر بھی نظر آئے۔
اے آر وائی نیوز کے مطابق بلین مارکیٹ میں کاروباری ہفتے کے دوسرے یعنی منگل کے روز ٹریڈنگ کے دوران سونے کی فی اونس قیمت میں 2 ڈالرز کا اضافہ ہوا۔
حالیہ اضافے کے بعد سونے کی فی اونس قیمت 1784 ڈالرز تک پہنچ گئی۔
عالمی مارکیٹ میں ہونے والے اضافے کے منفی اثرات پاکستان میں بھی نظر آئے اور سونے کی قیمتوں میں مجموعی طور پر 278 روپے کا اضافہ ریکارڈ کیا گیا۔
آل ہاکستان جیولرز مینوفیکچررز ایسوسی ایشن کے چیئرمین محمد ارشد کے مطابق مقامی صرافہ بازاروں میں سونے کی فی تولہ قیمت 150 روپے اضافے کے بعد 1 لاکھ 24 ہزار 100 روپے تک پہنچ گئی۔
علاوہ ازیں دس گرام سونے کی قیمت 128 روپے اضافے کے بعد 1 لاکھ 6 ہزار 395 روپے تک پہنچ گئی۔
آج بتاریخ 7 دسمبر 2021 کے ریٹ
فی تولہ قیمت: -/ 124,100روپے
دس گرام قیمت: -/ 106,395 روپے
کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں خرید و فروخت نئے ریٹ کے ساتھ ہوئی۔
