The news is by your side.

Advertisement

سونے کی قیمتوں‌ میں‌ معمولی کمی

کراچی: عالمی مارکیٹ میں سونے کی فی اونس قیمت کم ہونے کے مثبت اثرات پاکستان کے صرافہ بازاروں پر بھی نظر آئے۔

اے آر وائی نیوز کی رپورٹ کے مطابق بلین مارکیٹ میں کاروباری ہفتے کے پانچویں روز سونے کی قیمت 1 ڈالر کمی کے بعد 1913 ڈالر فی اونس پر پہنچ گئی۔

آل پاکستان جیولرز مینوفیکچررز ایسوسی ایشن کے چیئرمین محمد ارشد کے مطابق انٹرنیشنل مارکیٹ میں ہونے والی کمی کے بعد مقامی سطح پر بھی قیمتیں کم ہوئیں۔

کاروباری ہفتے کے پانچویں یعنی جمعے کے روز پاکستان بھر کے صرافہ بازاروں میں سونے کی فی تولہ قیمت 100 اور دس گرام کی قیمت میں 85 روپے کی کمی ریکارڈ کی گئی۔

حالیہ کمی کے بعد فی تولہ اور دس گرام کی قیمتیں بالترتیب 1 لاکھ 15 ہزار 500 اور 99 ہزار 22 روپے پر پہنچ گئیں۔

آج بتاریخ 23 اکتوبر  کے ریٹ

فی تولہ قیمت: -/ 115,500

دس گرام قیمت: -/ 99,022

اس حساب سے پاکستان میں ایک گرام سونےکی قیمت9 ہزار 922 روپے78 پیسےہوگئی جبکہ ایک ملی گرام سونا 9 روپے 92 پیسے کا ہوگیا۔ دوسری جانب اگر متحدہ عرب امارات کی بات کی جائے تو وہاں سونے کی ایک ملی گرام قیمت 22 فلس تک پہنچ گئی۔

کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹ میں لین دین نئے ریٹ کے ساتھ ہوئی۔

Comments

یہ بھی پڑھیں