The news is by your side.

Advertisement

سونے کی قیمتوں میں حیران کن کمی

کراچی: بلین مارکیٹ میں سونے کی قیمتوں میں کمی ہوئی جس کے بعد مقامی صرافہ بازاروں میں بھی بڑھتے بھاؤ کو بریک لگ گیا اور قیمتیں کم ہوگئیں۔

تفصیلات کے مطابق بین الاقوامی مارکیٹ میں کاروباری ہفتے کے آخری روز ٹریڈنگ کے دوران سونے کی قیمت 5 ڈالر کم ہوکر 1504 ڈالر فی اونس تک پہنچ گئیں۔

آل پاکستان جیولرز ایسوسی ایشن کے چیئرمین محمد ارشد کے مطابق انٹرنیشنل مارکیٹ میں ہونے والی کمی کے باعث مقامی صرافہ بازاروں میں بھی قیمتوں میں کمی ہوئی۔

مزید پڑھیں: سونا پھر مہنگا، فی تولہ قیمت میں 300 روپے اضافہ

انہوں نے بتایا کہ ملک بھر کے صرافہ بازاروں میں سونے کی فی تولہ قیمت 200 جبکہ دس گرام کے ریٹ 170 روپے کم ہوئے جس کے بعد کراچی، حیدرآباد، سکھر، پشاور، کوئٹہ، لاہور، اسلام آباد، راولپنڈی، فیصل آباد، ملتان کے صرافہ بازاوں میں فی تولہ اور دس گرام سونے کی خرید و فروخت بالترتیب 87 ہزار 500 اور 75 ہزار 18 روپے کے ساتھ ہوئی۔

ڈالر کی ہفتہ وار رپورٹ

دوسری جانب ایک ہفتے میں انٹربینک میں ڈالر36 پیسے مہنگا ہوا، کاروباری ہفتے کے آخری روز ڈالر 156.17 سے بڑھ کر 156.53 پیسے پر بند ہوا جبکہ اوپن مارکیٹ میں 156.40 پیسےسے 30 پیسے بڑھ کر 156.70 پر بند ہوا۔

Comments

comments

یہ بھی پڑھیں