The news is by your side.

Advertisement

سونے کی قیمتوں میں کمی

کراچی: عالمی بلین مارکیٹ میں سونے کی قیمتوں میں 6 ڈالر فی اونس کمی ہوئی جس کے بعد مثبت اثرات مقامی صرافہ بازوروں پر بھی دیکھنے میں آئے۔

تفصیلات کے مطابق عالمی بلین مارکیٹ میں ٹریڈنگ کے دوران سونے کی قیمت میں 6 ڈالر فی اونس کمی ہوئی جس کے بعد قیمت 1342 ڈاکر کی سطح تک پہنچ گئی۔

جیولرز ایسوسی ایشن کے چیئرمین محمد ارشد کے مطابق مقامی صرافہ بازاروں میں سونےکی قیمتوں میں بالترتیب 100 اور 86 روپے کمی ریکارڈ کی گئی۔

حالیہ کمی کے بعد فی تولہ قیمت 100روپےکمی کے ساتھ 75 ہزار 350 روپے جبکہ 10 گرام سونا 86 روپےکمی کے ساتھ 64 ہزار 600 روپے تک پہنچ گیا۔ کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین نئے ریٹ کے ساتھ ہوئی۔

یاد رہے کہ ایک روز قبل بلین مارکیٹ میں سونے کی فی اونس قیمت میں 15 ڈالرز کا اضافہ ہوا تھا جس کے بعد فی اونس قیمت 1350 ڈالرز کی سطح تک پہنچ گئی تھی۔ مقامی صرافہ بازاروں میں گزشتہ روز سونے کی فی تولہ قیمت میں 500 اور 430 روپے کا اضافہ ریکارڈ کیا گیا تھا۔

Comments

comments

یہ بھی پڑھیں