The news is by your side.

Advertisement

سونے کی فی تولہ قیمت میں 450 روپے کی کمی

کراچی: بلین مارکیٹ میں سونے کی فی ڈالر قیمت کم ہونے کے مثبت اثرات مقامی صرافہ بازاروں پر بھی نظر آئے۔

تفصیلات کے مطابق انٹرنیشنل مارکیٹ میں ٹریڈنگ کے دوران سونے کی قیمت میں مزید 08 ڈالر کی کمی ریکارڈ کی گئی جس کے بعد بعد سونا 1453 ڈالر فی اونس کی سطح پر پہنچ گیا۔

آل پاکستان جیولرز ایسوسی ایشن کے چیئرمین محمد ارشد کے مطابق بلین مارکیٹ میں ہونے والی کمی کے بعد مقامی صرافہ بازاروں میں فی تولہ اور دس گرام کی قیمت میں بالترتیب 450 اور 385 روپے کی کمی ہوئی۔

حالیہ کمی کے بعد کراچی، حیدرآباد، سکھر، لاہور، ملتان، فیصل آباد، کوئٹہ، پشاور، اسلام آباد، راولپنڈی کے بازاروں میں بتاریخ 12 نومبر کو سونے کی فی تولہ اور دس گرام کی خریدو فروخت بالترتیب 86ہزار 250 اور 73 ہزار 945 روپے کے ساتھ ہوئی۔

یاد رہے کہ گزشتہ روز  سونے کی فی تولہ قیمت  100 روپے کے اضافہ ریکارڈ کیا گیا تھا جس کے بعد  ریٹ  86700 روپے پر پہنچ گئے تھے، اسی طرح دس گرام کی قیمت میں بھی 86 روپے کا اضافہ ہوا تھا۔

Comments

comments

یہ بھی پڑھیں