The news is by your side.

Advertisement

سونے کی قیمتیں ساڑھے تین سال کی بلند ترین سطح پر پہنچ گئیں

کراچی: عالمی منڈی میں سونے کی قیمتوں میں اضافے کے بعد مقامی مارکیٹ میں فی تولہ سونے کی قیمت 58ہزار 2سو روپے پر پہنچ گئی۔

تفصیلات کے مطابق عالمی منڈی میں سونے کی قیمت میں اضافہ دیکھنے میں آیا جس کے بعد فی تولہ سونے کی قیمت 700 روپے اضافے کے بعدساڑھے چار سال کی ریکارڈ سطح  تک پہنچ گئی۔

جیولرز ایسوسی ایشن کے مطابق  عالمی منڈی میں فی اونس سونا 18 ڈالر مہنگا ہوکر 1348 ڈالر کا ہوا جس کا اثر  مقامی مارکیٹوں پر بھی پڑا اور سونے کی قیمت  اضافے کے بعد 58،200 روپے تک پہنچی جبکہ 10 گرام سونے کے بھاؤ 600 روپے بڑھ کر 49ہزار 8سو 85 روپے ہوگئے۔

مزید پڑھیں: سونے کی قیمتیں چار سال کی بلند ترین سطح پر پہنچ گئیں

سونے کے تاجروں کے مطابق عالمی مارکیٹ میں فی اونس اضافے کے بعد کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں سونے کی خرید و فروخت نئے داموں کے ساتھ ہوئی۔

معاشی تجزیہ کاروں کے مطابق عالمی مارکیٹ میں ڈالر کی قدر میں اضافے کے باعث پاکستان میں سونے کے دام گزشتہ ساڑھے3 سال کی بدترین سطح پر پہنچ گئے۔

قبل ازیں رواں برس جنوری میں عالمی اور مقامی مارکیٹ میں سونے کی قیمتوں میں اضافہ ہوا جس کے بعد فی تولہ سونے کی قیمت 300 روپے اضافے کے بعد 57 ہزار 900 کی ریکارڈ سطح پر پہنچ گئیں تھیں۔

یہ بھی پڑھیں: سونے کی قیمتوں میں کمی، فی تولہ 55 ہزار 600 روپے مقرر

عالمی منڈی میں سونے کی قیمت میں اضافہ ہوا تھا جس کے بعد قیمتیں ساڑھے چار سال کی ریکارڈ سطح پر پہنچ گئیں تھیں اور ایشیائی منڈیوں میں قیمتوں میں 300 روپے کا اضافہ ہوا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں