site
stats
بزنس

سونے کی قیمتیں چار سال کی بلند ترین سطح پر پہنچ گئیں

کراچی: عالمی اور مقامی منڈی میں سونے کی قیمتوں میں اضافہ ہوا جس کے بعد فی تولہ سونے کی قیمت 300 روپے اضافے کے بعد 57 ہزار 900 کی ریکارڈ سطح پر پہنچ گئی۔

تفصیلات کے مطابق عالمی منڈی میں سونے کی قیمت میں اضافہ ہوا جس کے بعد قیمتیں ساڑھے چار سال کی ریکارڈ سطح پر پہنچ  گئیں اور ایشیائی منڈیوں میں قیمتوں میں 300 روپے کا اضافہ ہوا۔

جیولرز ایسوسی ایشن کے مطابق عالمی مارکیٹ میں اضافے کے بعد سونے کی فی تولہ قیمت 57 ہزار 900 کی ریکارڈ سطح پر پہنچ گئی جبکہ 10 کلوگرام سونے کی قیمت 257 روپے اضافے کے بعد 49 ہزار 268 روپے پر پہنچ گئیں۔

عالمی مارکیٹ میں سونا مہنگا ہونے کے بعد کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں سونے کی قیمتوں میں اضافہ ہوگیا۔

مزید پڑھیں: سونے کی قیمتیں 2 سال کی بلند ترین سطح پر

معاشی تجزیہ کاروں کے مطابق عالمی مارکیٹ میں ڈالر کی قدر میں کمی کے باعث سونے کی قیمت میں اضافہ ریکارڈ کیا گیا۔

قبل ازیں گزشتہ برس 28 دسمبر کو عالمی اور مقامی مارکیٹ میں سونے کی قیمت میں ایک ہزار روپے اضافہ ہوا تھا جس کے ساتھ ہی قیمتیں دو سال کی بلند ترین سطح پر  پہنچ گئیں تھیں۔

انٹرنیشنل مارکیٹ میں سونے کی فی اونس قیمت1290 ڈالر جبکہ چاندی کی قیمتیں 22 سینٹ اضافے کے بعد 16.65 ڈالر فی اونس تک پہنچ گئیں تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top