The news is by your side.

Advertisement

سونے کی قیمتوں میں ایک بار پھر بے تحاشہ اضافہ

کراچی / اسلام آباد: بلین مارکیٹ میں سونے کی فی ڈالر قیمت میں 5 ڈالرز کا اضافہ ہوگیا جس کے منفی اثرات مقامی صرافہ بازاروں پر بھی واضح طور پر دکھائی دیے۔

تفصیلات کے مطابق انٹرنیشنل مارکیٹ میں ٹریڈنگ کے دوران سونے کی قیمت 5 ڈالر اضافے کے بعد 1395 فی اونس تک پہنچیں، اس کے بعد مقامی بازاروں میں سونے کی قیمتوں نے لمبی چھلانگ لگائی اور 80 ہزار کا ہندسہ بھی عبور کرلیا۔

جیولرز ایسوسی ایشن کے چیئرمین محمد ارشد کے مطابق مقامی صرافہ بازاروں میں سونے کی فی تولہ اور دس گرام قیمتوں میں بالترتیب 1600 اور 1414 روپے کا اضافہ ریکارڈ کیا گیا۔ انہوں نے بتایا کہ حالیہ اضافے کے بعد فی تولہ قیمت 80ہزار 100 اور 10 گرام 68 ہزار 672 تک پہنچ گیا۔

مزید پڑھیں: سونے کی فی تولہ قیمت میں حیرت انگیز کمی

کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین نئے ریٹ جبکہ چاندی کی خرید و فروخت 920 روپے فی تولہ کے ساتھ ہوئی۔

یاد رہے کہ 25 جون کو سونے کی قیمتیں ملکی تاریخ کی بلند ترین سطح 80 ہزار 500 روپے تک پہنچیں تھیں اُس کے بعد قیمت میں تین ہزار روپے سے زائد کی کمی ہوئی تھی تاہم ایک بار پھر سونا اوپر کی طرف جانے لگا۔

ایک روز قبل بلین مارکیٹ میں 15 ڈالر کی کمی ریکارڈ کی گئی تھی جس کے بعد صرافہ بازاروں میں سونے کی فی تولہ اور دس گرام کی قیمتوں میں بالترتیب 50 اور 42 روپے کی کمی ہوئی تھی۔ گزشتہ روز فی تولہ 78500 اور دس گرام 67258 روپے کے ساتھ لین دین ہوئی تھی۔

Comments

comments

یہ بھی پڑھیں