The news is by your side.

Advertisement

سونے کی قیمت ملکی تاریخ کی بلند ترین سطح پر پہنچ گئی

کراچی / اسلام آباد: عالمی مارکیٹ میں سونے کی فی ڈالر قیمت میں 15 ڈالرز کا اضافہ ہوا جس کے بعد سونے کی قیمتیں ملکی تاریخ کی بلند ترین سطح پر پہنچ گئیں۔

تفصیلات کے مطابق بلین مارکیٹ میں ٹریڈنگ کے دوران سونے کی فی اونس قیمت 15 ڈالر اضافے کے بعد 1395 تک پہنچ گئیں، جس کے منفی اثرات مقامی صرافہ بازاروں پر بھی نظر آئے۔

جیولرز ایسوسی ایشن کے چیئرمین محمد ارشد کے مطابق مقامی صرافہ بازاروں میں سونےکی فی تولہ اور دس گرام قیمتوں میں بالترتیب 750 اور 643 روپے کا اضافہ ہوا جس کے بعد قیمت 78 ہزار 100 اور 66 ہزار 958 روپے تک پہنچی۔

مزید پڑھیں: سونے کی قیمتوں میں کمی

حالیہ اضافے کے بعد سونے کی قیمتیں ملکی تاریخ کی بلند ترین سطح پر پہنچ گئیں۔ کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین نئے ریٹ کے ساتھ ہوئی۔

اسٹاک ایکسچینج کی صورتحال

کاروباری ہفتے کے آخری روز اسٹاک ایکسچینج میں ٹریڈنگ کے دوران تیزی دیکھی گئی اور 100 انڈیکس 129 پوائنٹس اضافے کے بعد 35 ہزار 125 کی سطح پر بند ہوا، ٹریڈنگ کے دوران مجموعی طور پر 4.21 ارب روپے مالیت کے 12.91 کروڑ کے حصص کی لین دین ہوئی۔

 

Comments

comments

یہ بھی پڑھیں