The news is by your side.

Advertisement

سونے کی قیمتیں آسمان پر پہنچ گئیں

کراچی / اسلام آباد: عالمی مارکیٹ میں قیمتیں تھمنے کا نام نہیں لے رہیں جس کی وجہ سے سونے کی قیمتیں ملکی تاریخ کی بلند ترین سطح پر پہنچ گئیں۔

تفصیلات کے مطابق عالمی بلین مارکیٹ میں ٹریڈنگ کے دوران سونے کی قیمت میں فی اونس 20 ڈالرز کا اضافہ ہوا جس کے مقامی صرافہ بازاروں پر بھی منفی اثرات نظر آئے۔ بلین مارکیٹ میں سونا 20 ڈالراضافے کے بعد 1328 فی اونس تک پہنچا۔

عالمی مارکیٹ میں اضافے کے بعد سونے کی قیمت میں ریکارڈ اضافہ ہوا، فی تولہ قیمت میں 1150 جبکہ 10 گرام کے ریٹ 986 روپے بڑھ گئے۔

بتاریخ : 25 جون 2019 کے ریٹ

فی تولہ /80,500 روپے

دس گرام /69,015 روپے

جیولیرز ایسوسی ایشن کے چیئرمین محمد ارشد کے مطابق مقامی صرافہ بازاروں میں سونے کی فی تولہ اور 10 گرام قیمت بالترتیب 80 ہزار 500 اور 69 ہزار 15 روپے تک پہنچ گئیں۔

مزید پڑھیں: سونے کی قیمت ملکی تاریخ کی بلند ترین سطح پر پہنچ گئی

حالیہ اضافے کے بعد سونے کی قیمتیں ملکی تاریخ کی بلند ترین سطح پر پہنچ گئیں۔ کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین نئے ریٹ کے ساتھ ہوئی۔

یاد رہے کہ بلین مارکیٹ میں سونے کی قیمتوں میں مسلسل اضافہ دیکھنے میں آرہا ہے، 21 جنوری سے کو بھی 15 ڈالر فی اونس اضافہ ریکارڈ کیا گیا تھا جس کے باعث مقامی صرافہ بازاروں میں فی تولہ 750 اور دس گرام کی قیمت میں 643 روپے کا اضافہ ریکارڈ کیا گیا۔ چار روز کے دوران مقامی صرافہ بازاروں میں سونے کی فی تولہ قیمت میں 2400 روپے کا اضافہ ہوا۔

Comments

comments

یہ بھی پڑھیں